𝗗Í𝗟𝗜, 𝗠𝗝 — 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟬𝟴 𝗝𝘂ñu 𝟮𝟬𝟮𝟲, Sua-Eselénsia Ministru Justisa, Dr. Sérgio de Jesus Fernandes da Costa Hornai, hala’o enkontru ofisiál ho Enkarregadu Negósiu Embaixada Estadus Unidus Amérika (EUA) iha Timor-Leste, Sr. Bruce Begnell, ho nia komitiva, iha edifísiu Ministériu Justisa, Díli.

Objetivu hosi enkontru ne’e, atu hametin koperasaun bilateral entre Ministériu Justisa no Governu Estadus Unidus Amérika, liuliu iha área dezenvolvimentu setor justisa, fortalese kapasidade rekursu umanu, aumenta asesu ba justisa ba sidadaun sira, no promove programa no inisiativa sira ne’ebé fó apoiu ba reforma institusionál no governasaun di’ak.

Iha oportunidade ne’e, Ministru Justisa hato’o nia apresiasaun ba apoiu no parseria ne’ebé Governu Estadus Unidus Amérika fó ona durante tinan sira liubá, liuhosi programa no projetu sira ne’ebé kontribui signifikativamente ba dezenvolvimentu sistema justisa iha Timor-Leste.

Durante reuniaun ne’e, parte rua diskute mós kona-ba oportunidade sira atu espande tan kooperasaun iha futuru, inklui apoiu ba formasaun no kapasitasaun ba profisionál sira iha área justisa, modernizasaun servisu jurídiku, no fortalese mekanizmu sira ne’ebé garante proteksaun ba direitus umanus no asesu igual ba justisa.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Tampilkan lebih sedikit