𝘿í𝙡𝙞, 03 𝙅𝙪ñ𝙪 2026 – Ministru Komérsiu no Indústria, Sr. Nino Pereira, hala’o sorumutu ho ekipa Gabinete Kooperasaun Parseria no Reformas (GCPeR), iha Sala Gabinete Ministru MCI, Fomentu Mandarin, Díli.

Iha sorumutu ne’e, ekipa GCPeR halo aprezenta kona-ba planu programa “Atauro Weekly Export Market”, ou merkadu semanal, ho objetivu atu promove no fasilita esportasaun produtu lokal hosi Ilha Atauro ba merkadu internasionál liuhosi kriasaun oportunidade komérsiu, promosaun produtu no fortalese, ligasaun entre produtor ho komprador sira iha rai liur.

Programa ne’e fó prioridade ba:

• Promosaun produtu lokal – atu aumenta vizibilidade produtu Atauro iha merkadu rai-li’ur.

• Kriasaun oportunidade komérsiu – hodi liga produtor sira ho komprador internasionál.

• Fortalesimentu ekonomia lokal – liuhosi esportasaun semanal no parseria bilateral.

Ministru Nino Pereira apresia no konsidera inisiativa hosi GCPeR hanesan programa di’ak ne’ebé bele fó benefísiu boot ba emprezáriu lokal no komunidade sira iha Atauro. Nia sublinha katak programa ne’e sei ajuda promove atividade ekonómika no hasa’e rendimentu komunidade.

Entretantu, kriasaun “Atauro Weekly Export Market” ne’e sai hanesan pasu importante ida atu reforsa kresimentu ekonomia lokal no promove parseria komersiál bilateral entre Timor-Leste no Indonézia.

Iha Sorumutu ne’e akompana husi, Diretor Geral Industria Sr. Jorge Ferreira, Koordenador GCPeR Sr. Martins Magno, Asesor sira nomos Tekniku Superior.

Media MCI

See less