Baucau, 8 Juñu 2026 – Ministériu Komérsiu no Indústria (MCI), liuhosi Diresaun Jerál Komérsiu, hamutuk ho Autoridade Munisipál Baucau no Director Unidade Servicos Desconsentrados MCI Municipio Baucau hala’o, hala’o Semináriu “Diseminasaun kona-ba “𝘿𝙚𝙘𝙧𝙚𝙩𝙤-𝙇𝙚𝙞 𝙉𝙤. 5/2026 𝙙𝙚 4 𝙙𝙚 𝙁𝙚𝙫𝙚𝙧𝙚𝙞𝙧𝙤 𝙥𝙧𝙞𝙢𝙚𝙞𝙧𝙖 𝙖𝙡𝙩𝙚𝙧𝙖çã𝙤 𝙖𝙤 𝘿𝙚𝙘𝙧𝙚𝙩𝙤-𝙇𝙚𝙞 𝙉𝙤.89/2023 𝙙𝙚 20 𝙙𝙚 𝘿𝙚𝙯𝙚𝙢𝙗𝙧𝙤 𝙇𝙞𝙘𝙚𝙣𝙘𝙞𝙖𝙢𝙚𝙣𝙩𝙤 𝙎𝙚𝙠𝙩𝙤𝙧𝙞𝙖𝙡 𝙙𝙖𝙨 𝘼𝙩𝙞𝙫𝙞𝙙𝙖𝙙𝙚𝙨 𝘾𝙤𝙢𝙚𝙧𝙘𝙞𝙖𝙞𝙨”.

Semináriu ne’ebé hala’o iha Sentru Konvensaun Baucau (CCB) – Vila Antiga, iha Loron (05/06/26).

Hodi halibur reprezentante sira hosi munisípiu Baucau, Manatuto, Viqueque, no Lautem, ho objetivu atu divulga mudansa legál sira no hametin komprensaun kona-ba rejime legál foun ba lisensiamentu setoriál.

Diretór-Jerál Komérsiu, Elias de Jesus Fátima, hato’o introdusaun kona-ba objetivu husi alterasaun no hadi’a rejime jurídiku lisensiamentu sektorial ba atividade komersiais iha Timor-Leste, liu husi ajustamentu balun iha lei ne’ebé antes estabelese tiha ona iha Dekretu-Lei No.89/2023 de 20 de Dezembru Lisensiamentu Sektorial ba Atividade Komersiais. Alterasaun sira ne’e buka atu:

1. Hadi’a prosesu lisensiamentu ba operadór ekonómiku sira,

2. Simplifika prosedimentu administrativu ba empreza no komersiante sira,

3. Hametin regulamentu no fiskalizasaun ba atividade komersiu iha Timor-Leste.

Director Planeamento Sr. Fransisco Xavier da Silva Guterres reprezenta Presidente Autoridade Municipio Baucau fo apresiasaun ba Ministériu Komérsiu no Indústria (MCI), liuhosi Diresaun Jerál Komérsiu, bele realiza programa seminário disseminasaun nivel regejional maibe realiza iha Municipio Baucau, nune’e husu ba Autoridades Lokais, Lider Komunitárius, PNTL, F-FDTL, Operadores Ekonomiku no Linã Ministeriais atu intende diak kona-ba konteudu matéria disseminasaun, hodi garante katak atividade komersiál sira hotu tuir produsaun sira ne’ebé estabelese iha lei.

Xefe Gabiente Ministru, Julito Soares, reprezenta Sua Exelénsia Ministru MCI, ofisialmente halo abertura ba semináriu ne’e. Iha nia diskursu, enkoraja partisipante sira atu envolve ho dinámiku no responsabilidade, hodi garante katak implementasaun Dekretu-Lei No. 5/2026 efetivu iha terrenu.

Semináriu ne’e marka prezensa husi reprezentante institusionál no komunidade sira, hanesan Prezidente Autoridade Munisipál Baucau,Sekretáriu Autoridade Munisipál Lautem, Koordenadór Jurídiku MCI, Komandante PNTL husi Munisípiu Baucau no Manatuto,, Komandante Terrestre F-FDTL, Diretór USD-MCI Munisípiu Baucau, Manatuto, Lautem no Viqueque, inklui Autoridade komunitária sira, operadór ekonómiku sira no reprezentante ministeriál sira.

𝙈é𝙙𝙞𝙖 𝙈𝘾𝙄

See less