Bac Ninh, loron 9 Juñu 2026 — Primeiru-Ministru(PM) Kay Rala Xanana Gusmão, hamutuk ho membru IX Governu inklui Ministru Komérsiu no Indústria, Nino Pereira, halo vizita ba Vietnam–Singapore Industrial Park (VSIP) iha provínsia Bac Ninh. VSIP konsidera hanesan modelu susesu ba dezenvolvimentu industrial, promosaun investimentu no kooperasaun ekonomiku internasionál iha Vietnam,(08/06).

Vizita ne’e fó oportunidade ba delegasaun Timor-Leste atu hatene diretu kona-ba transformasaun Vietnam sai hanesan sentru manufatura no investimentu iha rejiaun. Parsería estratéjiku entre Vietnam no Singapura liuhosi VSIP konsege atrai investimentu diretu estranjeiru boot, kria oportunidade servisu qualidade aas, no kontribui signifikativu ba industrializasaun no kresimentu ekonomiku Vietnam.

Durante enkontru iha Bac Ninh, delegasaun Timor-Leste troka ideia ho lideransa provínsia no administrasaun parke kona-ba Fasilitasaun investimentu ba empresáriu internasionál,dezenvolvimentu zona industrial ne’ebé sustenta manufatura moderna,aumentu kapasidade hanorin traballadór atu fó resposta ba nesesidade merkadu, no kriasaun ambiente komérsiu kompetitivu atu atrai investidor sira.

Diskusaun mos fó énfase ba oportunidade atu hametin kooperasaun ekonomiku entre Timor-Leste no Vietnam, espesialmente iha área komérsiu, investimentu, dezenvolvimentu industrial no formasaun kapital umanu.

Vizita ne’e hatudu kompromisu Timor-Leste atu aprende husi esperiénsia dezenvolvimentu rejionál ne’ebé susesu, hanesan parte husi esforsu diversifikasaun ekonomia no aprofundamentu integrasaun ba Komunidade ASEAN.

#MediaMNEK

𝙈é𝙙𝙞𝙖 𝙈𝘾𝙄

See less