𝐃𝐢𝐥𝐢, 09 𝐉𝐮ñ𝐮 𝟐𝟎𝟐𝟔– Diresaun Jerál Indústria Ministériu Komérsiu no Indústria(MCI) hamutuk ho Diresaun Jerál Ministériu Agrikultura, hala’o enkontru koordenasaun servisu, foka ba fortalecimento relasaun teknika no kooperasaun institucional atu sustenta dezenvolvimentu industrializasaun bazeia ba produsaun agríkola nasional.

iha diskusaun ne’e, parte rua subliña importánsia koordenasaun no komunikasaun efetivu atu fasilita implementasaun programa no atividade sira iha futuru. sira mos koalia kona-ba nesesidade atu responde ba investidor sira ne’ebé hakarak investe iha timor-leste, liuliu iha área agrikultura no indústria.

Diresaun Jerál rua konkorda katak, planeamentu tenke halo ho baze tekniku no konsidera aspetu ekonomia, inklui revizaun no avaliasaun kada trimestral, hodi garante programa sira lao tuir objetivu no responde ba prioridade povu.

enkontru ne’e mos sai oportunidade atu reforça komitmentu ba servisu hamutuk ho ministériu no entidade relevante sira, hodi kria ambiente favorável ba investimentu, aumenta valor ba produtu agríkola, no promove dezenvolvimentu sustentável ba timor-leste.

𝙈é𝙙𝙞𝙖 𝙈𝘾𝙄

See less