𝘿𝙞𝙡𝙞, 9 𝙅𝙪ñ𝙪 2026 - Ministériu Komérsiu no Indústria (MCI), liuhosi Diresaun Jerál Indústria, Sr. Jorge Ferreira, hala'o enkontru koordenasaun ho ILO no objetivu atu hametin servisu hamutuk iha futuru no fahe informasaun kona-ba programa no atividade sira ne’ebé institui rua ne’e implementa, liuliu iha área formasaun, kapasitasaun no apoiu ba MPME no grupu benefisiáriu sira.

Objetivu esensiál sira mak hanesan:

•⁠ ⁠Hametin koordenação no kooperasaun entre DGI no ILO.

•⁠ ⁠Fahe informasaun kona-ba programa no atividade sira ne’ebé institui rua ne’e implementa.

•⁠ ⁠Identifika oportunidade atu halo servisu hamutuk iha área formasaun, kapasitasaun no apoiu ba grupu benefisiáriu sira.

•⁠ ⁠Hametin akompañamentu no apoiu ba MPME sira atu bele dezenvolve negósiu no aumenta kompetitividade iha merkadu.

Durante enkontru ne’e, ILO aprezenta atividade no apoiu sira ne’ebé durante ne’e fó ba grupu benefisiáriu, inklui apoiu orsamentu, materiál no formasaun atu hasa’e kapasidade empreendedór sira no prepara sira atu bele kompetitivu iha merkadu.

Diresaun Jeral Industria, mós fahe informasaun kona-ba programa apoiu ba MPME sira ne’ebé to’o ona ba benefisiáriu hamutuk 420.000. Parte rua hotu diskute importância servisu hamutuk no koordenasaun atu evita repetisaun programa no atu garante katak apoiu ne’ebé fó bele responde nesesidade benefisiáriu sira ho efetivu.

Liu husi enkontru ida ne’e, DGI no ILO reafirma komitmentu atu kontinua hametin kooperasaun, halo formasaun, akompanhamentu no apoiu ba MPME sira, hodi asegura katak projetu sira ne’ebé implementa iha komunidade bele hetan rezultadu sustentável no kontribui ba dezenvolvimentu ekonomia nasionál.

Media MCI

See less