𝗗𝗶𝗹𝗶, 𝟭𝟭 𝗝𝘂𝗻𝘂 𝟮𝟬𝟮𝟲

Governu Timor-Leste liuhusi Ministériu Obra Públika (MOP) kontinua realiza asina kontratu ho kompañia manan nain bá implementasaun projetu rehablitasaun Estrada Rurál iha Munisípiu Manatuto ho Ermera.

Atividade asinatura kontratu ne'e realiza iha sala reuniaun Ministériu Obras Públikas, Caicoli, kinta-feira ne'e.

Iha nia intervensaun Ministru Obras Públikas husu kompañia manan sira atu labele sub-tutan projeitu ne'ebé sira manan ona.

“Bá Ita bo’ot sira ne’ebé manán ona projetu ne’e tenke ezekuta no dezenvolve estrada rurál ho kualidade no labele fa'an fali ka sub-fali projetu bá kompañia seluk”, hateten Ministru Obras Públikas.

Ministru Obras Públikas kontinua husu bá kompañia sira atu ezekuta no dezenvolve estrada rurál ho didi’ak.

Partisipa iha seremónia asinatura kontratu ne'e Direitór Jerál Administrasaun no Finansas, João Amaral, Koordenador UIVP, Aleixo Amarál do Carmo, Diretór Nasionál Planeamentu, Pesquisa no Dezenvolvimentu (DNPPD), Santino Barreto ho Aprovizionamentu Ministériu Obras Públikas inklui kompañia manan nain.

https://sdi.gov.tl/ministerio/presrealease/create

*𝗠í𝗱𝗶𝗮-𝗠𝗢𝗣*