𝗦𝗶𝗻𝗴𝗮𝗽𝗼𝗿𝗲, 𝟭𝟰 𝗝𝘂ñ𝘂 𝟮𝟬𝟮𝟲

Ministru Obras Públikas, Samuel Marçal akompaña husi Country Director, Banku Mundiál “WORLD BANK” (WBTL)-David Freedman iha Timor-Leste partisipa iha seremónia abertura espozisaun no resepsaun WORLD CITY SUMMIT bá dala X, iha Sentru Konvensaun Suntech, iha loron domingo ne’e.

Simeira Sidade Mundiál World City Summit-(WCS), maka plataforma globál ida bá líder governu nian no peritu indústria nian hodi rezolve dezafiu sira sidade nian ne'ebé bele moris no sustentável, fahe solusaun urbana integradu sira no hari’i parseria foun sira.

Desde 2008, WCS hari’i hetan ona partisipasaun husi sidade liu 250 hosi mundu tomak, ne'ebé reprezenta líder sira husi governu, emprezariu ne’ebé hola parte iha Industria, organizasaun internasionál no akademia.

Edisaun bá dala-10 hosi Simeira Mundiál Sidade sira nian sei hala'o husi loron 14 to'o loron 16 fulan-Juñu tinan 2026, iha Singapura. Eventu loron 3 ida-ne'e kompostu husi konferénsia prinsipál no eventu xave sira seluk hanesan Forum Primeiru-Ministru sira, Simpóziu Líder Foin-sa'e sira WCS nian, Prémiu Sidade Mundiál Lee Kuan Yew, Simpóziu Siénsia Sidade sira-nian no espozisaun ida.

Tema bá WCS 2026 maka Sidade sira ne'ebé bele moris no sustentável: ATUA Agora! Aselera, Kolabora no Transforma–hodi atu kria sidade sira ne'ebé maka ema bele hela seguru, reziliente no sustentável liu.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*