Asuntu : GOVERNU XINA KAPASITA FUNSIONARIU TÉKNIKU MAPPF DURANTE LORON 21 REMATA ONA Manatuto 16-09-2025 Ministériu Agríkultura Pekuária Peskas no Floresta servisu hamutuk ho Governu Xina fó formasaun no kapasita Extensionista no staf tékniku husi agrikultura nasionál no Diresaun servisu agrikultura municipal 12 inklui RAEOA hodi hasa’e kuiñesementu liu husi teoria no prátika iha area jestaun no operasaun kuda ai-horis, prosesamentu, armazenamentu no akizasaun iha Timor-Leste. Iha diskursu Diretór Nasional Extensaun Formasaun Agrikola (DNEFA), Ipolito da Costa husu formandu sira aprende inovasaun sira ne’ebé mak iha hanesan hare, batar no mekanizasaun oinsa atu kuda hare no kao hare atu nune’e ba oin bele ba implementa iha ida-idak nia munisipiu, tanba daudaun ne’e MAPPF mós fahe hela ekipamentu modernu ba munisípiu sira ne’eduni husu sira atu tau matan nafatin no implementa mós skill sira ne’ebé mak durante ne’e sira hetan liu husi formasaun ne’ebé mak durante ne’e sira hetan iha tereinu, liu husi teoria no pratika ne’ebé mak sira hetan bele sai hanesan referensia ida hodi bele fahe mós ba kolega sira ne’ebé mak seiduk hetan hodi bele hatene. Diretór apela ba formandu sira tenki aproveita perítu sira nia matenek, tanba MAPPF nia komitmentu mak oinsa atu bele kapasita rekursu sira ne’ebé mak iha atu bele ajuda Ministériu atu bele hasa’e produsaun iha rai laran, maíbé ba oin Ministériu mós sei halo kordenasaun ho Governu Xina atu bele atu fó mos oportunidade ba funsionariu ka tekniku sira seluk ne’ebé mak seidauk tuir formasaun bele tuir fila-fali hodi hasa’e kuiñesimentu iha área agrikultura, ortikultura, pekuária, peska no floresta, materia ne’ebé formandu sira hetan ne’e pratika direta ba iha to’os, natar, armazen. Iha fatin hanesan Diretór Adjuntu divisaun no formasaun, Xiao Min hato’o agradese ba formandu no partisipante sira hotu, tuir mai governu Xina sira mós sei bolu formandu sira bele ba tuir formasaun iha Xina, no treinamentu ba loron 21 ne’e lao diak tebes, no husu ba formandu sira atu bele halo review ba materia ne’ebé mak iha sira hetan nune’e matenek ne’ebe iha bele kontinua implementa, tanba iha 2024 Prezidente Repúblika Timor-leste ho Prezidente Xina ne’ebé mak koalia konaba elevasaun setór agrikultura entre Xina ho Timor-Leste oinsa atu bele asegura ai-han ne’ebé diak no sustentabilidade. Alenden ne’e, formanda Adelina Soares sente kontente tebes tanba durante semana tolu hetan formasaun ne’ebé mak fornese husi Governu Xina aprenede konaba teoria no prátika mak hanesan preparasaun ba rai kuda no halo manutensaun kolleta no post kolleta utiliza ekipamentu moderno, no sira mós esplika konaba atividade modern ne’ebe iha Xina konaba ba kuda hare, batar, uza drone hodi rega peste ne’ebé mak ataka ai-horis nomós hakiak fahi. Formasaun ne’ebé mak formandu sira hetan sei implementa tuir sira nia kbi’it no forsa ne’ebé mak sira iha tanba Sistema sira ne’ebé Xina sira uja mesak modernu de’it. Ekipa DMEA
Data Publica : 19 Sep 2025
Descrisaun :
