Asuntu : SEFOPE Asina Deklarasaun ho Traballadór Timoroan ba Servisu iha Japaun no Korea Dili, loron 18 fulan Setembru tinan 2025, Sekretariu Estado ba Formasaun Profissional no Empregu,sua Exelensia Rogério Araújo Mendonça L.Ed, partisipa iha serimónia asina deklarasaun ho traballadór ne’ebé atu ba servisu iha korea hamutuk nain 51 no Japaun hamutuk nain 5, serimónia ne'e hala'o iha salaun Delta Nova Dili. Iha serimónia Sekretariu Estadu apela ba traballadór reintegrasaun Korea sanulu-resin-ida atu nafatin kumpri regra no lei husi nasaun Korea. “Ha’u haree iha traballadór reintegrasaun Korea na’in sanulu-resin-ida, imi hatene ona kultura servisu iha Korea nune’e kumpri nafatin regra no lei husi nasaun refere, atu nune’e empregadór hare servisu di’ak bele bolu nafatin ba servisu” tenik Sekretariu Estadu iha seremonia asina deklarasaun. Sekretariu Estadu mós fo hanoin ba traballadór foun sira atu halo adaptasaun iha ambiente foun. “Traballadór foun sira, imi foun no foin atu ba hasoru situasaun foun, balu laiha esperensia tasi nune’e imi tenke kuidadu an nafatin ho orasaun, tanba iha traballadór balu ne’ebé hetan dezastre barak tanba hemu tua lanu to’o ikus hetan dezastre,” haktuir Sekretariu Estadu. SE mós apela ba traballadór sira atu kuidadu an tanba ne’e oportunidade ne’ebé bo’ot tebes, no imi asesu ba merkadu Korea ne’e susesu bo’ot ida tanba imi ba kuaze tinan haat resin.
Data Publica : 19 Sep 2025
Descrisaun :
