𝐃Í𝐋𝐈, 𝟏𝟖 𝐉𝐮𝐧𝐞 𝟐𝟎𝟐𝟔- Ministru Komérsiu no Indústria,Nino Pereira, ohin halo observasaun direta ba fatin produsaun lokal 𝘛𝘶𝘢 𝘓𝘶𝘭𝘪𝘬 𝘛𝘪𝘮𝘰𝘳, bebida alkolika ne’ebé produz husi kafé organiku Timor-Leste. Produtu ne’e iha valor kultural bo’ot no sai hanesan simbolu identidade nasional.

Produsaun lokal ne’e lokaliza iha Raikotu R3, Aldeia Terra-Santa, Suco Madohi, ho funsionáriu nain haat ne’ebé servisu atu halo kontrolu no produsaun. Kada fulan média produsaun to’o ba butir 50, hanesan prova katak home industry ida ne’e iha valor ekonomika ba merkadu lokal.

Joven Kreativo nain ba 𝘛𝘶𝘢 𝘓𝘶𝘭𝘪𝘬 𝘛𝘪𝘮𝘰𝘳, Gaudencio Barreto Soares, espresa katak katak buat desafiu ne’ebé nia hasoru la sai hanesan obstákulu, maibé transforma iha oportunidade esperansa. Ho konsisténsia no determinasaun, nia kontribui ba dezenvolvimentu ekonomia komunidade, no mos fó inspirasaun ba juventude atu valoriza inovasaun lokal.

Home Industry ne’e partisipa ona iha feira nasional sira, no mos hatama ba ba merkadu lokal. Produsaun 𝘛𝘶𝘢 𝘓𝘶𝘭𝘪𝘬 𝘛𝘪𝘮𝘰𝘳 servisu hamutuk ho Grupo Kafé Organika, ne’ebé kafé organiku husi to’os nain iha Suku Mau-Ubo, Postu Administrativu Hatulia B, Munisípiu Ermera.

Atividade observasaun ne’e hatudu kompromisu governu atu fó valorizasaun ba inovasaun lokal, sustenta produtu orgániku, no promove identidade nasional Timor-Leste liu husi ekonomia kreativa.

Akompaña iha atividade ne’e Diretor Jerál Indústria, Diretora Nasional Marketing, Xefe Departamentu ICT no ekipa.

𝙈é𝙙𝙞𝙖 𝙈𝘾𝙄

See less