𝐎𝐞-𝐂𝐮𝐬𝐬𝐞, 19 𝐉𝐮𝐧𝐮 𝟐𝟎𝟐𝟔

Vise-Ministru Komersiu no Industria, Sr. Augusto Junior Trindade, vizita fatin produsaun masin iha Masmone, Lifau-Oecuse kinta, 18/06.

Iha vizita ne’e atu haree besik ba preparasaun atu halo produsaun masin, maske fatin ne’e prepara tinan ida resin sedauk halo produsaun dahuluk, tanba iklima mak udan no anin, maibe tempu agora besik ona bailoron bele hahu hikas fali kontinuasaun prosesu ba produsaun dahuluk.

Vise Ministru hateten, estudu viabilidade ne’ebé hatudu kualidade tasi been iha Masmone, diak tebes no bele maran lalais sai masin tanba iklima Oecuse iha tempu bailoron manas liu too 35 ֯.

Tuir planu tekniku sira sei halo preparasaun fulan ne’e no sei ense tasiben ba fatin ne’ebe prepara ona hodi halo prosesu ba masin.

Alende vizita fatin preparasaun masin Vise Ministru akompania husi tekniku no Diretor Regional Komersiu no Industria vizita fatin produsaun sanan rai no grupu halo brown sugar, iha RAEOA.

See less