𝗦𝗶𝗻𝗴𝗮𝗽𝘂𝗿𝗮, 𝟭𝟳 𝗝𝘂𝗻̃𝘂 𝟮𝟬𝟮𝟲

Ministru Obras Públikas, Samuel Marçal, reprezenta IX Governu Konstitusionál sai orador iha eventu Singapore Internationál Water Week 2026 (SIWW 2026) ne'ebé organiza husi, Singapore Water Center.World Bank Group, Southeast Asia Partnership for Adaptation through Water (SEAPAW), Singapore Internationál Foundation ho World Economic Forum.

Diskusaun ne’e realiza iha Sands Expo & Convention Centre, Marina Bay Sands, kuarta-feira ne’e.

Iha diskusaun ne’e Ministru Obras Públikas lori Timor-Leste aborda dezafiu nasionál sira kona-bá kobertura bee moos, saneamentu no impaktu husi mudansa klimátika.

Diskusaun entre reprezentante governu ho parseiru indústria no autarkia sira, koalia foka liu bá importánsia dezenvolvimentu infraestrutura bee ne'ebé rezistente no seguru bá future.

Aproveita eventu ne'e Ministru Obras esplika bá audensia sira kona-bá vizaun IX Governu Konstitusionál nian kona-bá dezenvolvimentu Bee moos tanba Bee Moos nu'udar direitu fundamentál bá sidadaun hotu atu asesu.

Delegasaun Timor-Leste ne’ebé akompaña Ministru Obras Públikas, hodi partisipa iha Singapore Internationál Water Week, Country Diretor Banku Mundiál iha Timor-Leste, David Freedman, Project Management Unit-Minstériu Obras Públikas (PMU-MOP), Nelson Mesquita, Prezidente Komisaun Ezekutiva (KE) Bee Timor-Leste, Empreza Públika (BTL, E.P.), Gustavo da Cruz ho assessor juridiku MOP, Paulo Palma.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*