Asuntu : 𝐌𝐈𝐍𝐈𝐒𝐓𝐑𝐔 𝐌𝐀𝐍𝐄𝐓𝐄𝐋𝐔 : 𝐈𝐍𝐅𝐑𝐀𝐒𝐓𝐑𝐔𝐓𝐔𝐑𝐀 𝐒𝐀𝐈 𝐀𝐋𝐈𝐒𝐄𝐑𝐒𝐄 𝐓𝐈𝐌𝐎𝐑-𝐋𝐄𝐒𝐓𝐄 𝐍𝐈𝐀 𝐀𝐃𝐄𝐙𝐀𝐔𝐍 𝐁Á 𝐌𝐄𝐌𝐁𝐑𝐔 𝐏𝐋𝐄𝐍𝐔 𝐀𝐒𝐄𝐀𝐍 𝐈𝐇𝐀 𝐎𝐔𝐓𝐔𝐁𝐑𝐔 𝟐𝟎𝟐𝟓 Dili, 18 Setembru 2025 Ministru Transporte no Komunikasaun, Eng.Miguel Marques Gonçalves Manetelu kinta ne’e hetan konvite husi Dili Institute of Technolgy (DIT), hodi sai oradór bá iha semináriu ne’ebé organiza husi DIT Ho tema “Papel Ministériu Transporte no Komunikasaun Iha Dezenvolvimentu Infrastrutura Hodi Prepara Timor-Leste Nia Adezaun Bá ASEAN”. Diretór Post Graduadu DIT, Manuel Vong iha nia intervesaun hatete Mundu agóra tama ona iha era digitalizasaun ho avansa teknolójia DIT hahú transforma an bá era digitalizasaun presiza rekursu humanu ne’ebé kapitalizadu no tenke domina siénsia no teknolójia, liu-liu liga ho servisu Ministru Manetelu nia kna’ar iha Transporte no Komunikasaun nomos preparasaun Timor-Leste nia sai membru plenu ASEAN. “Ho Avansu teknolójia susar tebes atu kontrola Artifisiál Intelijénsia (AI) kuandu ita rasik labele atu kontrola. Infrastrutura transporte nu’udar xavi hodi dada turista mai Timor-Leste ho nune’e Aeroportu nu’udar odamatan boot nasaun nian; ho politika no lideransa Ministru Manetelu nia bele responde preokupasaun Timor-oan nia hodi halo expansaun no dezenvolve aeroportu internasionál prezidente nicolau lobato. Aleinde ne’e mós transporte maritima bele fasilita turista ho meuius ida incomparable ho dezenvolvimentu infraestrutura liuhosi Ministériu relevante sira hadia Estrada iha teritóriu Timor laran tomak ho nune’e transporte públiku no privada sira bele halo ona sirkulasaun iha area rurais sira. DIT prontu servisu hamutuk ho MTK atu bele dezenvolve no moderniza Timor-Leste transporte publiku” hatete Manuel Vong. Ministru Manetelu iha nia intervensaun hatete Infrastrutura sai baze ka aliserse importante ida bá Timor-Leste nia protidaun atu sai membru ASEAN. “Timor-Leste nia adezaun bá membru plenu ASEAN oferese opurtunidade di’ak bá kresimentu ekonomiku Timor-Leste nian, integrasaun regionál, diplomasia ne’ebé forte liu, dezenvolvimentu abilidade no opurtunidade dijitál sira di’ak liu, maibé ida ne’e mós lori dezafiu iha kompetisaun, komprimisiu finanseiru, komprimentu no risku bá ekonomia boot sira atu hetan impaktu” dehan Ministru Manetelu iha semináriu Papel Ministériu Transporte no Komunikasaun iha Dezenvolvimentu Infrastrutura Hodi Prepara Timor Leste Nia Adezaun Bá ASEAN”. Governante ne’e mós rekoñese Opurtunidade sai membru plenu iha ASEAN boot liu ho nune’e fó oportunidade Timor Leste hametin liutan ita nia instituisaun, tulun hodi proteje no hametin liu tan setór ne’ebé vuneravél no investavél iha kapitál umanu hodi hetan benefísiu husi ASEAN. “Ita hahu ona halo konstrusaun bá aeroportu 2, Suai no Oecusse. Iha prosesu atu konstrui no alarga tan konstrusaun Aeroportu Internasionál Nasionál Nicolau Lobato. Setembru remata Waskita foin aprezenta design and build. Aeroportu suai no oecusse sei halo sertifikasaun nu’udar aeroportu internasionál. Sertifikasaun ne’e autoridade aviasaun Timor-Leste mak halo, no sei publika iha ICAO nia website. Kuandu ita hahú halo negosiasaun fronteria marítima no ita mai ho prinsípiu ida atu dada kadoras mai Timor-Leste, ita tenke hatudu bá Australia katak ita preparadu” dehan Ministru Manetelu iha nia intervesaun” nia afirma. Semináriu ne’e partisipa husi Pró-Reitor Akademia Dr.Aderita Takeleb), Pró-Reitor RAP Dra.Carla Alexandra J.da Costa, Pró-Reitor Planu no Kooperasaun Externa Marcos Taec Abi M.A-ELT, Diretór Ezekutivu bá Dezenvolvimentu Infrastrutura, Dr.Peregrinus Siga Taa Dekanu Eskola Superior Turizmu no Ospitalidade Sr.Agustinus Nahak, estudante sira husi Departamentu Jestaun Jerál, Eskola Superiór Negosiu no Jestaun, Dili Institute of Technology (DIT). 𝐌é𝐝𝐢𝐚 𝐌𝐓𝐊
Data Publica : 19 Sep 2025
Descrisaun :
