Dili, Timor-Plaza, 19 Juñu 2026 – Sekretaria Estadu ba Igualdade (SEI), liuhosi lideransa Diretor-Jerál Sr. Aramando da Costa hamutuk ho kargu dirasaun, xefia no ekipa tékniku sira no parseiru PROSIVO, realiza validasaun interna ba relatóriu deklarasaun Maubisse faze datoluk.

Iha abertura Diretor jerál SEI Sr. Armando da Costa hateten, atu sukat progresu no kompleta informasaun no dadus iha relátoriu

“validasaun ne’e atu sukat ita-nia progresu to’o iha ne’ebé no dezaviu sira ne’ebe mak ita atu kompleta tan iha hodi responde ba deklarasaun maubisse ne’e rasik, no relatoriu empoderamentu ekonomia feto iha responde hanesan instituisaun hanesan SEI

“nia rezultadu saida mak atu hetan iha loron ne’e hanesan SEI sei kompleta dadus no informasaun balun kompleta iha esbosu relatoriu deklasaun Maubisse”.

Atividade validasaun ne’e hala’o iha Timor-Plaza, Dili, ho objetivu atu sukat pregresu dezafiu saida mak presiza atu kompleta hodi reponde ba deklarasaun maubisse ne’e rasik no haree, verifika no asegura katak dadus no informasaun sira ne’ebé relata ona hosi instituisaun implementadór 17, inklui SEI no Banco Nacional de Comércio de Timor-Leste (BNCTL), loos no tuir kompromisiu ne’ebé iha deklarasaun Maubisse faze datoluk ne’e rasik, ,

Partisipante sira iha validasaun ne’e kompostu hosi kargu dirasaun, xefia no tékniku sira hosi SEI, ne’ebé hamutuk analiza no fó kontribuisaun ba hadia relatóriu deklarasaun Maubisse faze datoluk.

Prosesu validasaun interna ne’e hatudu komitmentu SEI atu kontinua hametin jestaun institusionál ne’ebé efisiente, transparente no orientadu ba rezultadu, liuliu iha koordenasaun ho instituisaun implementadór sira iha implementasaun deklarasaun Maubisse.

Iha enseramentu Diretora Olga da Costa Monteiro hato’o agradesimentu ba parseiru PROSIVU ne’ebe apoiu prepara no apoiu validasaun relatoriu deklarasaun maubisse faze datoluk sira hotu ne’ebé disponibiliza tempu no kontribui ativamente durante workshop validasaun internal kona-ba Relatóriu Deklarasaun Maubisse Faze Datoluk.

“Durante loron ida ne’e, ita hotu halo diskusaun kle’an, halo revizaun no valida informasaun importante sira ne’ebé sei sai baze ba finalizasaun relatóriu mediu prazu ida ne’e. Kontribuisaun hosi diresaun no departementu sira hotu demonstra komitmentu SEI atu asegura katak implementasaun Deklarasaun Maubisse lao tuir objetivu no rezultadu ne’ebé ita hakarak alkansa. nomos hakarak hato’o agradecimentu ba Prosivu no parseiru sira ne’ebé kontinua fó apoiu tékniku no fasilita prosesu importante ida ne’e. Kolaborasaun entre parseiru no instituisaun governu sai fator importante ida hodi fortalece implementasaun politika igualdade jéneru iha Timor-Leste”.

Atividade ne’e realiza SEI servisu hamutuk ho PROSPERIA BA PROSPERIDADE INLKUSIVU (PROSIVU) iha Timor-Leste.

Tampilkan lebih sedikit