𝘿𝙞𝙡𝙞, 23 𝙅𝙪𝙣𝙪 2026 – Ministeriu Komérsiu no Indústria, liuhosi Diretor Jeral Indústria, Sr. Jorge Ferreira, ofisiálmente loke formasaun ida ho tema “𝙀𝙢𝙥𝙧𝙚𝙯𝙖𝙧𝙞𝙖𝙡 𝙆𝙤𝙣𝙖𝙗𝙖 𝙋𝙧𝙞𝙚𝙣𝙨𝙚𝙢𝙚𝙣𝙩𝙪 𝙁𝙤𝙧𝙢𝙪𝙡á𝙧𝙞𝙪 𝙇𝙞𝙨𝙚𝙣𝙨𝙞𝙖𝙢𝙚𝙣𝙩𝙪 𝙣𝙤 𝙏𝙖𝙭𝙖 𝙆𝙤𝙢é𝙧𝙨𝙞𝙪 & 𝙄𝙣𝙙ú𝙨𝙩𝙧𝙞𝙖” iha Salaun MCI, Fomentu Mandarin, Dili.

Formasaun ida ne’e organiza husi Diresaun Nasional Dezenvolvimentu Indústria no Departamentu Lisensiamentu, ho objetivu atu fó kapasidade ba empresáriu sira kona-ba prosedimentu administrativu no regulamentu lisensiamentu komérsiu.

Iha diskursu abertura, Diretor Jeral Indústria, Sr. Jorge Ferreira hateten, formasaun ne’e importante tebes atu ajuda empresáriu sira kompriende lei no regulamentu, no mos fó klaridade kona-ba taxa komérsiu. Nia akontese katak governu kontinua fó prioridade ba dezenvolvimentu setor privado hanesan motor ekonomia nasionál.

Sistema Lisensiamentu mak plataforma dijitál ne’ebé dezenvolve husi Ministeriu Komérsiu no Indústria atu jere prosesu lisensiamentu komérsiais no industriais. Sistema ne’e troka prosesu manual ho solusaun online ne’ebé sentraliza submisaun dokumentus, aprovasaun no emisaun lisensa atividade no sertifikadu sira iha plataforma ida deit, ho dadus ne’ebé rai iha base dadus uniku.

Aplikasaun Lisensiamentu Gestaun Komérsiais no Industriais hanesan web aplikasaun ida ne’ebé sei maneja prosesu aplikasaun lisensiamentu hanesan inskrisaun de cadastro, lisensa para exersisiu atividade, períodu vistoria no imprime sertifikadu.

𝙈é𝙙𝙞𝙖 𝙈𝘾𝙄

See less