𝐃Í𝐋𝐈, 𝟐𝟑 𝐉𝐮ñ𝐮 𝟐𝟎𝟐𝟔

Parlamentu Nasionál loron daruak, kontinua hala’o diskusaun iha espesialidade ba Projetu Proposta Lei (PPL) Kódigu Propriedade Industrial, ne'ebé atu estabelese sistema propriedade industriál modernu aliña ho padraun internasionál sira.

Diskusaun ne’e fó oportunidade ba deputadu sira atu analisa detallu kada artigu, hodi garante katak lei ida ne’e sei responde ba nesesidade empresáriu, inovadór, no investidor sira. Prosesu ne’e mos marka tan progresu importante iha esforsu Timor-Leste atu reforsa base legál ba proteksaun propriedade industriál.

Lei ne’e sei assegura proteksaun marka, patenti dezenhu industrial, indikasaun jeográfika, segredu komersial no seluktan hodi promove inovasaun nasional no estimula kreatividade, aumenta konfiansa investidor internasionál, liuliu iha área manufatura no teknologia, reforsa kapasidade institusionál, bainhira estabelese ona Institutu Propriedade Indústrial no kontribui ba dezenvolvimentu sustentável no soberania ekonomika.

Iha sesaun ohin loron ne’e Deputadu sira kontinua fó rekomendasaun konstrutivu, ne’ebé sei sai prioridade ba Governu iha fase implementasaun. Diskusaun loron daruak ne’e prova katak Parlamentu Nasionál no Governu halo esforsu sériu atu garante katak Timor-Leste iha lei modernu hodi kontribui ba klima negosiu nasional.

Durante prosesu ne'e, Ministériu Komérsiu no Indústria kontinua hetan apoiu tékniku máximu hosi International Trade Centre (ITC), liuhosi projetu “Support to Regional Integration and Trade for Timor-Leste ne’ebe patronizadu hosi Uniaun Europeia.

#MediaMCI

See less