Asuntu : 𝐏𝐌 𝐈𝐧𝐭𝐞𝐫𝐢𝐧𝐮 𝐚𝐩𝐫𝐞𝐬𝐢𝐚 𝐡𝐨 𝐬𝐞𝐫𝐯𝐢𝐬𝐮 𝐏𝐍𝐓𝐋 𝐝𝐮𝐫𝐚𝐧𝐭𝐞 𝐦𝐚𝐧𝐢𝐟𝐞𝐬𝐭𝐚𝐬𝐚𝐮𝐧 𝟏9 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓 Apresiasaun ne’e, PM Interinu hato’o iha enkontru ne’ebé hala’o ho komandante PNTL sira hodi relata situasaun seguransa rai-laran ba PM Interinu iha Gabinete Ministru Koordenadór Asuntu Ekonómiku (MKAE), Palásiu Governu, Kinta loron 18 Setembru 2025. Iha manifestaun ne’e mosu dezentendimentu balu, maibé ho profisionalizmu PNTL nian konsege atua ho di’ak. Enkontru ne’e partisipa husi Ministru Interior Exselénsia Francisco Guterres, Sekretáriu Estadu Komunikasaun Sosiál, Expedito Dias Ximenes, Komandante Jerál PNTL Komisáriu Jerál Polísia, Henrique da Costa, Segundu Komandante Jerál PNTL Komisáriu Polísia Pedro Belo, inklui komandante sira hotu husi kada unidade PNTL nian.
Data Publica : 22 Sep 2025
Descrisaun :
=============
Primeiru-Ministru (PM) Interinu atuál Vise-Primeiru-Ministru, Ministru Koordenadór ba Asuntu Ekonómiku, no Ministru Turizmu no Ambiente, Dato’ Seri Francisco Kalbuadi Lay, agradese no fó apresiasaun ba servisu Polísia Nasionál Timor-Leste (PNTL), husi unidade hotu ne’ebé fo apoiu máximu ba seguransa rai-laran nian durante manifestaun loron tolu ne’ebé hala’o husi Estudante Universitáriu Timor-Leste, no mós sosiedade sivíl sira.