𝘿í𝙡𝙞, 24 𝙅𝙪ñ𝙪 2026 – Diretór Jerál Indústria, Sr. Jorge Ferreira, hala’o enkontru ho delegasaun husi Kompañia SEAMOS atu diskute investimentu no produsaun masin iha Timor-Leste.

Objetivu husi enkontru ne’e atu apresenta planu no programa atividade SEAMOS konaba investimentu iha setor indústria masin, no hato’o pedidu ba Ministériu Komersiu no Indústria atu fó apoiu iha fasilitasaun prosesu implementasaun projetu.

Iha diskusaun, SEAMOS sublinha katak Timor-Leste iha potensial boot ba dezenvolvimentu indústria masin, no kompanhia mostra interesa forte atu halo investimentu iha setor refere. Delegasaun husu apoiu ba fatin no prosesu legal nesesáriu, hodi garante implementasaun projetu ne’e.

Kompañia informa katak projetu sei kria oportunidade empregu ba povu Timor-Leste, entre 200 to’o 500 pessoas.

Media MCI

See less