Likisá–Loes, 27 Juñu 2026 – Ministru Komérsiu no Indústria (MCI), Nino Pereira, hamutuk ho Diretór-Jerál Indústria MCI, Diretór Unidade Serbisu Deskonstrasaun MCI iha Munisípiu Likisá, no Diretór Nasionál husi Sekretáriu Estadu ba Kooperativas, realiza dialogu no atividade koleta modo mutin no brinjela ne’ebé kuda husi Grupo Hortikultura Sustentavel iha Suku Watuboru, Postu Administrativu Loes, Munisípiu Likisá.

“Atividade ne’e hanesan meiu ida atu hametin partisipasaun prodúsan lokal iha setor hortikultura sustentavel, hasa’e produtividade agrícola, no apoia dezenvolvimentu ekonomia komunidade liuhusi valorizasaun produtu lokal sira hanesan modo mutin no brinjela, ne’ebé produs husi grupu joven sira ne’ebé hakarak harii sira nia atividade rasik no kria oportunidade kampu servisu,” hateten Ministru Komérsiu no Indústria.

Liután, governante ne'e, apresia ho inisiativa husi grupu ne’e, tanba hahu sira nia atividade ho kapitál inisiu ho de'it osan US$500.00 (lima ratus dolar Amerikanu). Bainhira haree, ita bele dehan katak montante ne’e kiik, maibé sira iha vizaun no planu klaru ba sira nia futuru atu hamosu independénsia ekonómika no la depende ba inan aman no fo serbisu ba ema seluk.

#mediamci

See less