𝟏𝟗 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓
==============
Primeiru-Ministru Interinu atuál Vise-Primeiru-Ministru no Ministru Koordenadór ba Asuntu Ekonómiku (MKAE), Ministru Turizmu no Ambiente (MTA), Dato’ Seri Francisco Kalbuadi Lay kontinua hala’o enkontru ho instituisaun relevante sira hodi halo preparasaun ba planu vizita ofisial Primeiru-Ministru Malázia, Anwar bin Ibrahim mai Timor-Leste iha loron 23-24 Setembru 2025. 

Reuniaun koordenasaun ne’ebé lidera husi Primeiru-Ministru Interinu ne’e partisipa husi Kaza Militar Prezidensia Repúblika, Protokolu MNEK, PNTL, Gabinete PM inklui husi Parlamentu Nasionál hala’o iha salaun enkontru Gabinete Fronteira Maritima no Terrestre iha Palásiu Governu iha loron Sesta, 19 Setembru 2025.