Díli, 02 Jullu 2026 – 𝐃𝐢𝐫𝐞𝐭𝐨𝐫𝐚 𝐉𝐞𝐫𝐚𝐥 𝐓𝐨𝐩𝐨𝐧í𝐦𝐢𝐚 𝐧𝐨 𝐎𝐫𝐠𝐚𝐧𝐢𝐳𝐚𝐬𝐚𝐮𝐧 𝐔𝐫𝐛𝐚𝐧𝐚 (𝐃𝐆𝐓𝐎𝐔), 𝐌𝐚𝐫𝐢𝐚 𝐎𝐝𝐞𝐭𝐞 𝐁𝐚𝐫𝐫𝐨𝐬 𝐅𝐥𝐨𝐫𝐢𝐧𝐝𝐨 𝐡𝐚𝐦𝐮𝐭𝐮𝐤 𝐡𝐨 𝐂𝐡𝐞𝐟𝐞-𝐆𝐚𝐛𝐢𝐧𝐞𝐭𝐞 𝐒𝐄𝐀𝐓𝐎𝐔, 𝐃𝐞𝐜𝐢𝐨 𝐀. 𝐄 𝐝𝐚 𝐂𝐨𝐬𝐭𝐚 𝐑𝐢𝐛𝐞𝐢𝐫𝐨 𝐧𝐨 𝐞𝐤𝐢𝐩𝐚 𝐤𝐨𝐧𝐣𝐮𝐧𝐭𝐚, ohin kinta-feira, kontinua akompaña prosesu despezu administrativu ba Komunidade afetadu uma-kain 98 iha aldeia 02, suku Kampung Alor, Postu Administrativu Dom Aleixo, Munisípiu Díli.

Projetu dezenvolvimentu ne’ebé identifika ona iha área aldeia 02, suku Kampung Alor atu utiliza ba instalasaun Embaixada sira husi nasaun membru ASEAN hodi fasilita misaun diplomátika foun sira, inklui mós dezenvolvimentu infraestrutura baze nian hodi prepara ba Simeira ASEAN 2029.

Ekipa konjunta interministeriál, molok halo ezekusaun liuhosi despezu administrativu, ekipa konjunta fahe ona informasaun liuhosi diálogu no avizu ba komunidade afetadu sira atu kumpri ba dezisaun hodi sobu rasik uma ho voluntáriu, tanba Governu fó notifikasaun ho prazu loron sanulu atu hamamuk fatin.

Nune’e, ohin ekipa konjunta mobiliza ekipamentus pezadu hodi halo demolisasaun ba konstrusaun sira ne’ebé presiza duni kbi’it husi makina bo’ot, no mós apoiu transporte hodi tula afetadu sira nia sasan ba hela-fatin iha Díli laran inklui tula ba Munisípiu sira.

Atividade ne’e, hetan apoiu hosi ekipa konjunta interministeriál, kompostu hosi Ministeriu Obras Públicas liuhosi Ekipa Tekniku MOP, Diretor Jerál Terras no Propriedades, Dr. Lucas Antonio da Costa, Prezidente Autoridade Munisípiu Díli, Diretor Nasional Servisu Organizasaun Urbana (DNSOU), no hetan seguransa hosi Polisia Nasional Timor-Leste.

Tampilkan lebih sedikit