Asuntu : 𝗧𝗶𝗺𝗼𝗿-𝗟𝗲𝘀𝘁𝗲 𝗛𝗮𝗺𝗲𝘁𝗶𝗻 𝗠𝗼𝘃𝗶𝗺𝗲𝗻𝘁𝘂 𝗞𝗼𝗼𝗽𝗲𝗿𝗮𝘁𝗶𝘃𝗮: 𝗦𝗘𝗖𝗼𝗼𝗽 𝗘𝗻𝘀𝗲𝗿𝗮 𝗙𝗼𝗿𝗺𝗮𝘀𝗮𝘂𝗻 𝗕𝗮 𝗞𝗼𝗼𝗽𝗲𝗿𝗮𝘁𝗶𝘃𝗮 𝗙𝗮𝗺í𝗹𝗶𝗮 𝗶𝗵𝗮 𝗗íli Díli, 19 Setembru 2025. Iha Salaun Esperansa, Delta 1, Comoro-Díli, Sekretáriu Estadu Kooperativa (SECoop) ensera Formasaun Baziku iha Lideransa, Fiskalizasaun no Kontabilidade, ho objetivu atu apoia rua kooperativa emerjente: Kooperativa Família Ki’ik (FKF) ho 260 membru no Kooperativa Tane Kbi’it no Haburas Ekonomia Família Sta. Luzia (K. TABIHAEF) ho 52 membru. Formasaun ida ne’e parte husi estratégia SECoop hodi hametin kapasidade membru komunidade no lider sira, promove diversifikasaun ekonomia familiár, no garante kreximentu sustentável ba kooperativa sira. Lider kooperativa sira hato’o dezafiu sira relasiona ho planeamentu negósiu no hatudu nesesidade ba formasaun tekniku espesializada, hodi apoia diversifikasaun ekonomia no sustenta atividade produtiva sira. Eng. Leovogildo Belarmino, M.Sc., Xefe Gabinete SECoop, representa Sekretáriu Estadu Kooperativa hato’o diskursu ofisiál, sublinhando katak kooperativa sira funsiona tuir prinsipiu servisu koletivu iha ekonomia sosialmente solidariu, hodi apoia subsisténsia família nian no dezenvolvimentu ekonómiku lokál. “Bemvindu-Hamutuk ho família kooperativa! Kooperativa harii ho prinsipiu servisu hamutuk iha ekonomia sosiál ida nia laran hodi sustenta vida no ekonomi família sira,” Eng. Leovogildo hatete. Diskursu ne’e mós reforsa adezaun ba sete prinsipiu universal kooperativa, inklui: SECoop mós hatutu nia prioridade polítika no vizaun: Durante eventu ida ne’e, SECoop fó atensaun mós ba oportunidade importante ida katak: Timor-Leste sei host ba Enkontru Ministeriál Kooperativa ASEAN (ACMM) iha 2026 iha Díli, evento historiku ida ne’e sei envolve kooperativa sira no Empreza Mikro, Ki’ik no Médiu (MSMEs), hodi promove produtos Timor-Leste iha nivel rejionál. Serimónia enseramentu formasaun ne’e hetan partisipasaun husi ekipa SECoop Díli, fasilitadór sira, no dirijente kooperativa sira. Tuir SECoop reafirma ninia lema: “Serbisu Hamutuk atu Halo Mudansa.”
Data Publica : 22 Sep 2025
Descrisaun :
- Partisipasaun voluntáriu, Kontrolu membru demokrátiku, Envolvimentu komunidade, Kapasitasaun teknika, Solidariedade ekonomia, Promosaun justisa sosial no Cooperasaun entre kooperativa sira.
- Estabelese enkuadramentu legal no regulamentár sólidu ba kooperativa sira;
- Fasilita kapasitasaun no kriasaun kooperativa primária no sekundária;
- Promove diversifikasaun ekonomia no valorizasaun produtu lokál;
- Garante soberania ai-han no justisa ekonomia sosial;
- Hametin parseria ho entidade nasionál no internasionál, inklui ASEAN Cooperative Organization (ACO) no International Cooperative Alliance (ICA), hodi sustenta dezvolvimentu kooperativa iha nivel rejionál.
#Mídia_SECoop