𝟎𝟕 𝐉𝐮𝐥𝐥𝐮 𝟐𝟎𝟐𝟔

===========

Vise-Primeiru-Ministru, Ministru Koordenadór ba Asuntu Ekonomiku no Ministru Turizmu no Ambiente, Dato' Seri Francisco Kalbuadi Lay, kontinua reuniaun Komité Revizaun Polítika (KRP) ba preparasaun Orsamentu Jerál Estadu (OJE) 2027, ne'ebé hala'o iha Ministériu Finansa, Aitarak-Laran, Díli, Tersa, 07 Jullu 2026.

Reuniaun ne'e lideradu husi Primeiru-Ministru, Kay Rala Xanana Gusmão, ne'ebé hala'o tuir kalendáriu preparasaun OJE 2027 ho objetivu atu diskute no aprova proposta prioridade Governu ba ideia no programa sira ne'ebé ministeriu no instituisaun sira aprezenta.

Durante reuniaun, membru KRP sira halo análize no avaliasaun ba proposta sira atu asegura katak prioridade ne'ebé determina responde ba nesesidade dezenvolvimentu nasionál, promove kreximentu ekonomia, no aliña ho objetivu Governu nian ba tinan 2027.

See less