Asuntu : 𝐌𝐈𝐍𝐈𝐒𝐓𝐑𝐔 𝐌𝐀𝐍𝐄𝐓𝐄𝐋𝐔 : 𝐄𝐒𝐓𝐔𝐃𝐀𝐍𝐓𝐄 𝐌𝐀𝐊 𝐀𝐔𝐓Ó𝐑 𝐁Á 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐍𝐀𝐒𝐈𝐎𝐍Á𝐋 Dili, 18 Setembru 2025 Perante estudante DIT husi fakuldade tolu Departamentu Jestaun Jerál, Eskola Superiór Negosiu no Jestaun, Dili Institute of Technology, Ministru Transporte no Komunikasaun, Eng.Miguel Marques Gonçalves Manetelu, husu bá estudante sira tenke iha prinsípiu no konsistente hodi deside dalan ne’ebé mak atu hili tanba desizaun hotu tenke mai ho konsiensia rasik tanba futuru nasaun Timor-Leste iha estudante sira nia liman, estudante mak sei kontribui makaas iha prosesu dezenvolvimentu nasionál’. “Alin sira estuda didi’ak tenke iha mehi ne’ebé boot, konsistente bá iha dalan ne’ebé imi hili, imi hakarak halo buat ida fokus bá ida ne’ebé mak imi nia hakarak, bainhira imi konsistente imi nia mehi sei sai realidade dehan Ministru Manetelu semináriu ida Ho tema “Papel Ministériu Trasporte no Komunikasaun Iha Dezemvolvimentu Infrastrutura Hodi Prepara Timor Leste Nia Adezaun Bá ASEAN”. " Ha’u sempre dehan bá ha’u nia oan bainhira tula ha’u mosu engarafamentu ó tenke mantein iha diresaun ne’ebé o liu, o labele hateke bá sorin fatin ida mamuk, o ses fali bá sorin, o nia dalan sei laiha. o bá fali oin mós ladiak bá kotuk mós ladiak, o sei metin iha fatin tanba ne’e tenke konsistente bá iha dalan ne’ebé o hili, atu di’ak ka at ida nemak sei lori o bá finalidade ida ne’ebé di’ak" hatutan Ministru Manetelu. *𝐌é𝐝𝐢𝐚 𝐌𝐓K*
Data Publica : 22 Sep 2025
Descrisaun :
