Dili, 13-07-2026_____Diretora Nasionál Dezenvolvimentu Igualdade Jéneru (DNDIJ-SEI), Sra. Olga da Costa Monteiro, akompaña husi Xefe Deparatamentu Empoderamentu Ekonómia Feto, Sr. Hendrique da Silva, Asesora husi prosivu, Sra. Paula Maia, no Ekipa, hala’o Enkontru Halibur Dadus Progresu Implementasaun Deklarasaun Maubisse Faze Datoluk (III), (relatório Mediu Prazu) ho Ekipa husi Sekretaria Estadu ba Rai no Propriedade, liuhuis Diresaun Teras e Propriedade, iha Salaun Enkontru Edifisiu Sekretaria Estadu ba Rai no Propriedade, Bebora, Dili.

Objetivu husi Sorumutu Enkontru ne’e mak, atu hametin koodenasaun no informa mekanismu halibur dadus ba Relatóriu, hametin kna’ar SEI nu’udar koordenadír ba prosesu tomak, inklui aprezenta mekanismu kolesaun dadus husi entidade implementador hotu.

Atu avalia Deklarasaun Maubisse III ninia implementasaun, relatório hatudu progrersu konkretu husi entidade implementador kona-ba atividade no alvu Deklarasaun Maubisse Faze Datoluk.

Evedensia klaru katak, programa no Polítika sira aliña ho prioridade Governu IX iha kapitál sosiál, infra-estrutura no ekonómia munisípiu to’o rurál.

Edentifika Dezefiu no Lakuna, dokumenta bareira no problema ne’ebé entidade implementadór hasoru iha implementasaun. Hatudu rekomendasaun ba solusaun atu fó diresaun ba faze implementasaun tuir mai (2026-2028).

Fó evidensia ba Planeamentu Futuru, husi relatório progresu ne’ebé ita sei aprezenta fó baze ba planeamentu asaun anuál ba tinan 2026-2028, inklui atividade no alvu ne’ebé identifika ona. Ajuda atu integra polítika responsive ba jéneru no inkluzuan sosiálbiha planeamentu governu.

Diretora Nasionál DNDIJ-SEI, Sra. Olga Da Costa Monteiro, iha nia intervensaun, hakarak hato’o agradese ba oportunidade ida ne’e atu hamutuk diskute no reforsa ita-nia kompromisu ba implementasaun Deklarasaun Maubisse, nu’udar instrumentu polítika importante ida atu promove igualdade jéneru no empoderamentu ekonómiku ba feto rurál sira iha Timor-Leste.

Kompromisu polítika nasionál Estadu Timor-Leste nian kona-ba Igualdade Jéneru hakerek klaramente iha Konstituisaun RDTL, Artigu 17, ne’ebé garante igualdade direitu no responsabilidade entre feto no mane iha área família, polítika, ekonomia, sosiál no kulturál.

Deklarasaun Maubisse fortalece tan kompromisu ida ne’e liuhusi orientasaun ba ministériu no instituisaun relevante sira atu integra perspetiva jéneru iha planeamentu, implementasaun no orsamentasaun programa sira.

SEI rekoñese katak asesu ba rai no propriedade importante tebes ba empoderamentu ekonomiku feto rurál sira. Rai la’ós de’it rekursu ekonomiku ida, maibé mos sai fonte seguransa ba moris família, produsaun agríkola, investimentu no sustentabilidade ekonomia doméstika. Tanba ne’e, Deklarasaun Maubisse enfatiza nesesidade atu asegura feto sira, inklui feto ho defisiénsia no grupu vulnerável sira, hetan asesu no oportunidade hanesan iha utilizasaun, jestaun no titularidade rai no propriedade.

iha enkontru refere, iha aprezentasaun husi Xefe Departamentu Empoderamentu Ekonómika Feto-SEI, Sr. Hendrique da Silva, kona-ba Formatu Relatório Deklarasaun Maubisse Faze Datoluk, Media Prazu 2026-2028.

Iha enkontru refere hetan partisipasaun máximu husi Ekipa husi Diresaun Teras e Propriedade, ne’ebé mak lidera husi Diretór Nasionál Teras e Propriedade, husi Sekretaria Estadu Teras e Propriedade.

#Média-SEI#

Tampilkan lebih sedikit