Dili, 07 Jullu 2026

Ministru Transportes no Komunikasaun, Eng.Miguel Marques Gonçalves Manetelu, simu vizita kortézia ida husi Ekipa Rejionál UNEP iha gabinete Ministru Kaikoli Dili.

Ekipa rejionál UNEP ne'e kompostu husi Diretór rejionál, Xefe Unidade, Jerente Projetu no UNEP Country Focal Point no Diretór DNMG.

Objetivu husi enkontru ne’e atualiza no halo diskusaun progresu implementasaun Projetu Sistema Alerta Sesu, Assinatura Akordu Systematic Observations Finance Facility (SOFF) no atualiza nomos diskusaun Implementasaun instalasaun ekipamentus meteorolojia

MTK ho apoiu husi UNEP hala’o ona progresu importante sira hanesan tuir mai ne’e iha Timor-Leste :

Installa ona Sistema Automatika Previsaun Tempu Aviaun (AWOS) nian iha Aeroportu Internationál, Comoro, Dili. Sistema operasionaliza ona, hein hela DNMG ho BOM Australia halo migrasaun dadaus bá TAF nian.

Installa Sistema Automatika bá previsaun Tempu (AWS) unidade 6 iha Municipiu sira hanesan Likisa, Ermera (Gleno), Manatuto, Baukau, Viqueque no Lautem (Lospalos). Sei kompleta tan unidade 5 iha Atauro, Manufahi, Kovalima (Suai), Bobonaro (Maliana). Sistema sira ne’e funsiona ona no transfere dadus automatika kada minutus 10 mai Sentru Previsaun Tempu Nasionál DNMG nian.

Installa gateways Unidade 6: 1 iha Oekuse, 1 iha Ainaro, 2 iha Baukau, 1 iha Viqueque no iha Bobonaro (Tapo) hodi transfere dadus meteorolojia husi area remotas sira mai sentru previsaun nasionál.

Estabelese ona Sistema Dadus Klima nian (CDIS) iha Sentru Previsaun Nasionál DNMG nian hodi simu dadus automatika husi estasaun meteorolojikus iha Timor laran no fahe mós dadus bá rejiaun sira iha Asia no ASEAN nian.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊