Asuntu : Sekretáriu Estadu Inagura Sentru Formasaun iha Maubisse. Maubisse, loron 18 fulan Setembru tinan 2025, Sekretariu Estado ba Formasaun Profissionál no Empregu, sua Exelénsia Rogério Araújo Mendonça L.Ed, inagura Sentru Formasaun Kulinaria Lokál no atribuisaun Sertifikadu formasaun no apresisaun CCL- Maubisse, Munispiu Ainaro. Iha diskursu Sekretariu Estadu haktuir, serimónia ida ne'e partisipa mós husi Governu Austrália, tanba antes ne'e primeiru ministru husi nasaun rua asina ona deklarasaun ida liuliu kona-ba apoia governu Austrália ba sentru formasaun sira. "Ohin ita lori Governu Austrália liu husi DFAT no PLMSP, mai hamutuk ho ita iha fatin ida ne'e, hanesan ohin ita rona husi sira katak, primeiru Ministru husi nasaun rua asina deklarasaun ida, no sira laos asina deit surat tahan mamuk ida maibe sira asina ho numeru ka osan ne'ebé mak iha," dehan sekretáriu Estadu iha diskursu. Sekretáriu Estadu fundamenta katak, governu Austrália sei apoia governu Timor-Leste liu husi SEFOPE oinsá mak halo investementu ba formandu sira hodi hatan ba merkadu traballu rai laran no rai liur. "Entaun sira atu halo investimentu ba sentru sira ne'ebé mak agora daudaun ita iha, no ita presiza tebes sira-nia apoia hodi halo investimentu ba iha ekipamentu no rekursu umanus atu nune'e bele mellora di'ak liután ita-nia formandu sira hodi prepara ba servisu iha rai laran no rai liur," hateten sekretáriu Estadu. Sekretáriu Estadu akresenta katak, sentru ida ne'e nia lokalizasaun iha Maubisse, maibe la taka dalan mós ba Munisipiu sira seluk hakarak aprende iha area hospitalidade no Kulinaria. "Hau fiar katak sentru ida ne'e iha kooperasaun parte SEFOPE hamutuk ho prezidente Autoridade no sentru Tibar, oinsá mak ita prepara kondisaun ida ne'ebé mak di'ak, sentru ne'e la'os de'it ba Maubisse maibe sei vale mós ba Munisipiu sira seluk, ne'ebé mak hakarak aprende kona-ba iha hospitalidade kulinariu no seluk tan," Tenik sekretariu Estadu. Sentru Nasionál ba Empregu no Formasaun Profisionál Projetu konstrusaun ne'ebé kompleta tuir programa formasaun Konstrusaun Sivíl: Alvenaria, Karpintaria, Elétrika, Kanalizasaun, Soldadura, no formasaun Ospitalidade. Formasaun Konstrusaun Sivíl no Ospitalidade: Dezembru 2022 - Juñu 2023 Hahú Konstrusaun: Jullu 2023 Konstrusaun Remata: Setembru 2025 Benefisiáriu sira: Formandu Konstrusaun Sivíl Nivel I (20) no II (17); Nivel Ospitalidade I (10) no II (7); no Apoiu Tékniku (3) Estajiáriu sira (91), Formadór sira (11), Tékniku Konstrusaun nian (11), Finansiamentu Sekretáriu Estadu Formasaun Profisionál no Empregu (SEFOPE) Iha serimónia ne'e partisipa husi sekretariu Estadu ba Dezenvolvimentu Rural, prezentante husi MCAE, MTA, reprezentante Embaixadora Australia iha Timor-Leste, PLMSP, Diretór Mobility Brach husi Canberra, prezidente Autoridade Ainaro, Administrador postu, xefe Suku, Komunidade, Formadór no Formandu sira.
Data Publica : 22 Sep 2025
Descrisaun :
