Dili, 15-07-2026---Diretora Nasionál Dezenvolvimentu Igualdade Jéneru (DNDIJ-SEI), Sra. Olga da Costa Monteiro, simu Audensia no Submisaun Dokumentu husi husi Alumni Parlamentu Foinsa’e Timor-Leste (APFTL) nu’udar organizasaun Juvenil ida ne’ebé mai ho vizaun Joven Síviku, Saudavel, Krítiku, Kompetetivu, Produtivu no Orgullu nu’udar Timoroan. Atu hatan ba vizaun ne’e maka APFTL iha nia Planu Estratéjiku ba tinan lima nian (2026-2030) hakarak atinji impaktu sira hanesan “Joven ativu, saudavel, kreativu no inkluzivu”.

Iha tinan 2025 APFTL serbisu hamutuk ho Plan Internasionál iha Timor-Leste (PITL) ba programa Child Rigth, Progrma ida ne’e implementa atu halo advokasia ba labarik no foinsa’e sira, inklui sira ne’ebé kondisaun defisiénsia nia direitu iha Timor-Leste. Tanba ne’e APFTL realiza ona Focus Group Discusion (FGD) ho labarik no foinsa’e sira husi Munisípiu haat hanesan Munisípiu Baucau, Dili, Ermera no Manufahi. Objetivu husi FGD ida ne’e mak atui identifika problema ne’ebé labarik sira no foinsa’e sira, inklui asuntu igualdade jéneru, nune’e hafoin identifika sei submete ba governante no parte relevante sira, atu apoia sira hodi konsidera hanesan baze ba sira nia polítika.

Objetivu husi audensia loron ohin nian maka, husi APFTL hakarak halo aprezentasaun ba rejultadu FGD ne’ebé aPFTL halo iha Munisípiu Haat ne’e, inklui submisaun dokumentu husi FGD ne’e iha Sekretaria Estadu ba Igualdade-SEI, liuhusi Diresaun Nasionál Dezenvolvimentu Igualdade Jéneru (DNDIJ-SEI), apra atu apoiu instituisaun SEI atu bele konsidera mós iha SEI nia polítika no programa ba implementasaun atividade sira, atu konsidera foinsa’e sira nia informasaun ne’e mak APFTL hetan liuhusi diskusaun Grupu ne’ebé halo ona iha Munisípiu Haat.

Sorumutu Audensia ne’e, hala’o iha iha Diretora DNDIJ-SEI nia fatin, no partisipa husi Membru Alumni Parlamentu Foinsa’e sira ne’ebé mak Lidera husi, Kandido Jotiles Borges, Francisco Nunes no Lidia da Cruz.

#Média-SEI#

Tampilkan lebih sedikit