𝐃í𝐥𝐢-𝐒𝐞𝐠𝐮𝐧𝐝𝐚, 𝟏𝟑 𝐉𝐮𝐥𝐥𝐮 𝟐𝟎𝟐𝟔.

Ministériu Finansas liuhusi Diretór Jerál Monitorizasaun Avaliasaun Dezempeñu (UMAD), Arlindo da Cruz Monteiro, konvida liña ministeriál sira to’o munisípiu hotu hodi halo sosialiasaun formatu relatóriu dezempeñu ba sistema Dalan Ba Futuru Timor-Lsete (DBFTL), Iha salaun Ministériu Finansas, Aitarak-Laran.

Objetivu husi formasaun ne’e atu sosializasaun kona-ba formatu Dalan ba Futuru Timor-Lsete (DBFTL) ba liñas ministerial sira hotu, tanba UMAD halo mudansa uituan iha sistema DBFTL, entaun presiza esplika detallu ba liñas ministerial sira atu komprende hodi produz relatóriu trismestral fasil ba sira, no tuir difinisaun sistema nian.

Programa prioridade IX Governu Konstituisional nian hakerek ona iha planu, tanba ne’e ita halo leitura didi’ak iha planu refere, bele komprende ona governu nia target atu atinji iha 2028, hakerek klaru ona iha ne’ebá.

Mudansa ba formatu relatóriu ne’e la’os mai husi pensamentu ministériu finansas maibé ne’e hakerek ona iha dekretu lei governu iha tiha ona.

“Ita implementa ona iha kada instituisaun para produz relatóriu trimestral karik, ita bele hatene no avaliasaun rasik ba ita nia esforsu, inklui UMAD bele halo avaliasaun ba kada instituisaun ne’e rasik”, dehan DG.

UMAD foka liu ba avaliasaun dezempeñu governu nian ba kada trimestral no annual, sira mós halo servisu lubuk ida ne’ebé halo tiha ona, sei kontinua servisu hamutuk ho ita boot sira para oinsa bele produz relatóriu ida ne’ebé di’ak liu tan.

Haktuir Diretor Ajensia Rejional Planeamentu RAEOA, Sr. Candido dos Reis Amaral, formasaun sosializasaun formatu relatóriu dezenpeñu ba Sistema DBFTL ida ne’e, importante tebes, iha mudansa de’it iha buat balun, no partisipante balun mós foun, entaun presiza kapasita sira nia konesimentu hodi produz relatóriu ne’e di’ak. Husu UMAD atu organiza fali tempu ruma kontinua fo formasaun atu tekniku sira bele prepara relatório ho di’ak.

Formasaun ne’e ajuda tebes partisipante sira hotu iha nasional no munisípiu sira hotu, inklui RAEOA oinsa atu prepara relatóriu ho di’ak.

#Foto #Ekipa #Media #Ministeriufinansas,

Tampilkan lebih sedikit