SEKRETÁRIU Estadu Terras Propriedades (SETP), Jaime Xavier Lopes, iha loron 15 fulan-Jullu 2026 foin lalaos ne'e hala’o dialogu komunitária ho komunidade afetadu forsada tempu okupasaun Indonézia nian, iha suku Bibileo, Postu Administrativu Viqueque, Munisípiu Viqueque.

Durante dialogu SETP husu ba komunidade Bibileo inklui lideransa komunitária tenki buka solusan ba problema, tanba maioria komunidade sira iha bibileo hanesan komunidade destakadu forsada iha tempu okupasaun.

Nia mós hateten, tuir artigu 54 konstituisaun RDTL ne’ebé ko’alia kona-bá direitu ba propriedade privada, iha artigu ne’e rasik hateten, Ema hotu-hotu iha direitu ba propriedade privada, no bele fó ba ema seluk wainhira sei moris no mós wainhira mate, tuir lei nia lalao’k.

Nune’e iha alinea daruak konstituisaun RDTL mós hateten, Labele uza propriedade privada hodi estraga fali nia funsaun sosiál nune’e mós Atu hetan eh hasai ema ida nia propriedade privada hodi halo ba uzu públiku, tenke selu indeminizasaun loloos ba sidadaun, tuir lei haruka. No aliea ikus hosi arigu ne’e mós hateten Ema sidadaun nasionál de’it maka bele iha direitu ba propriedade privada sidadaun nian.

Hatan ba prekupasaunnkomumidade sira nian konabá sira bele iha direitu ba sira nia uma ho rai, SETP hateten, komunidade sira iha direitu ba rai ho uma ne’ebé mak oras ne’e dadaun sira hela ba, tanba sira muda ba iha fatin refere, la’ós ho sira nia hakarak, maibe tanba situasaun mak obriga.

SETP realiza dialogu refere bazeia ba relatóriu ne’ebé mak relata hosi Organizasaun Naun Govermentais (ONG) AKBIT ne’ebé mak durante ne’e luta ba direitu feto ba vítima forsada okupasaun Indonezia nia.

Partisipante ne’ebé partisipa iha dialogu komunitaria ne’e mak SETP ho kometiva, ONG AKBIT, reprezentante Prezidente Autoridade Munisípiu Viqueque, Komandante PNTL Eskuadra Postu Administrativu Viqueque, inklui lideransa komunitária hosi suku Bibileo no Komunidade sira.

MÍDIA SETP

Tampilkan lebih sedikit