Asuntu : 𝐌𝐏𝐑𝐌 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐀𝐍𝐈𝐕𝐄𝐑𝐒𝐀́𝐑𝐈𝐔 𝐅𝐔𝐍𝐃𝐀𝐒𝐀𝐔𝐍 𝐑𝐄𝐏𝐔́𝐁𝐋𝐈𝐊𝐀 𝐏𝐎𝐏𝐔𝐋𝐀́𝐑 𝐗𝐈𝐍𝐀 𝐁𝐀 𝐃𝐀𝐋𝐀 𝟕𝟔 𝐃𝐢́𝐥𝐢, 𝟏𝟔 𝐒𝐞𝐭𝐞𝐦𝐛𝐫𝐮 𝟐𝟎𝟐𝟓 Sua Eselénsia Ministru Petróleu no Minerais, Francisco da Costa Monteiro partisipa iha aniversáriu fundasaun Repúblika Populár Xina ba dala-76, iha Embaixada Xina iha Dili no mós tinan 23 estabelesimentu relasaun bilaterál entre Xina no Timor-Leste. Sua Eselénsia Embaixadora Repúblika Populár Xina, Wang Wenli destaka respeitu mútua entre nasaun rua, soliedariedade no kooperasaun ne’ebé sei konsolida ba benefísiu nasaun rua. Ba oin, diplomata Xinez ne’e subliña kooperasuan konsistente iha área ekonomia, komérsiu, investimentu, infraestruturas, agrikultura no potensiál futura kooperasaun iha área konservasaun bé mós, petróleu no gás. Sua Eselensia Prezidente Repúblika, José Ramos-Horta rekorda rekoñesimentu husi Xina hanesan membru permanente Konsellu Seguransa ONU dahuluk ne’ebé rekoñese Timor-Leste nia soberania iha tinan 1975. Reafirma mos kompromissu atu aprofunda Parseria Estratéjika abranjente, ho objetivu atu harii komunidade Xina-Timor-Leste ho futuru ne’ebé partilladu no promove moris-di’ak povu rua nasaun rua. Sua Eselénsia Xefe Estadu reafirma Timor-Leste nian ba apoiu prinsípiu “One-China principle” no partilla ho Beijing kona-ba vizaun multipolar, inkluziva no bazeia ba multilateralizmu nian, hodi hametin papél Nasoins Unidas nian iha prevensaun no rezolusaun konflitu nian no promove orden internasionál ida ne’ebé sentra iha lei internasionál. REMATA
Data Publica : 22 Sep 2025
Descrisaun :
