Dili, 21 Jullu 2026

Ministériu Transportes no Komunikasaun konvoka enkontru revizaun no validasaun dadus bá planu médiu prazu 2027-20230.

Iha enkontru ne’e marka mós prezensa husi Unidade Planeamentu Integradu husi Ministériu Planeamentu Investimentu no Estrátejiku (MPIE). Enkontru ne’e hala’o tersa ne’e iha salaun enkontru MTK Kaikoli Dili.

Objetivu husi enkontru ne’e halo Aprezentasaun Dadus, Baseline, Indikadór no metas sira iha Setór Transporte no Komunikasoens bá Planu médiu prazu 2027–2030.

Liuhusi enkontru ne’e atu halo Validasaun no Harmonizasaun Dadus, Baseline, Indikadór no metas sira bá Setór Transporte no Komunikasoens. Liuhusi diskusaun Téknika, Klarifikasaun no Revizaun Finál Dadus atu prepara Submisaun Finál bá MPIE.

Planu médiu prazu sai hanesan guiaun ida atu orienta planu no programa governu nia, iha konstestu ne'e atu valida verifika bainhira dadus los no prioridade ne’ebé mak ministériu transportes no komunikasaun atu halo iha 2027-2030.

Ministru Transportes no Komunikasaun, Eng.Miguel Marques Gonçalves Manetelu hateten Semana hirak liu bá ministériu haruka ona nova politik bá ministériu finansas tuir orientasaun Primeiru-Ministru Kay Rala Xanana Gusmão.

“Nova politika tenke alina ho planu médiu prazu 2027-2030 para ita hahu 2027, ita bele atinji metas hirak mak tau iha planu médiu prazu 2027-2030 ho razaun hirak ne’e mak konsulta lubuk ida halo ona laos deit bá ministériu, maibé bá mós ajénsia autonoma sira, partisipa iha prosesu elaborasaun sira, ita atu halo apresisasaun de’it tanba aprezentasaun husi unidade planeamentu integradu MPIE dala ida ka dala rua iha ministériu finansas, metas sira ne’e atu atinnji 2030, bele hakat to’o iha ne’ebá ka lae. Buat ne’ebé maka rasionál duni, kuandu komité revizaun polítika aprova nova politika ne’e siknifika orsamentu laiha problema ”dehan Ministru Manetelu.

Planu Médiu Prazu (PMP) 2027–2030 bá Setór Transportes no Komunikasaun nian foka liu bá modernizasaun infraestrutura, dijitalizasaun no seguransa hodi apoia dezenvolvimentu ekonómiku nasionál.

Planu Médiu Prazu (PMP) 2027–2030 nian katak dokumentu estratejiku ida ne'ebé ho objetivu atu hatan bá nesesidade, prioridade no dezafiu sosiál ho ekonómiku sira iha (2027–2030).

Iha kontestu governasaun nian (liu-liu iha Timor-Leste), planu médiu prazu sai hanesan ponte ne'ebé ligadu husi Planu Estratégiku Dezenvolvimentu (PED) ne'ebé naruk bá Planu Anuál (Orsamentu Jerál Estadu) ne'ebé badak.

Objetivu Prinsipál husi Planu Médiu Prazu, Defini Prioridade Nasionál: foku ba setór sira ne'ebé presiza atensaun lalais iha tinan 2027-2030.

Alokasaun Rekursu ne'ebé Efisiente: Ajuda Governu atu fahe husi Orsamentu Jerál Estadu (OJE) ho kalkuladu no la gasta arbiru.

Monitora no Avalia: Fasilita prozesu atu sukat avansu no susesu husi programa sira ne'ebé implementa.

Sustentabilidade Ekonómika: Hametin diversifikasaun ekonómika atu reduz dependénsia bá sektór ida de'it (hanesan Oill & Gas).

https://sdi.gov.tl/ministerio/presrealease/create

𝐌é𝐝𝐢𝐚 𝐌𝐓𝐊