Viqueque, 22 Jullu 2026 - Ministériu Edukasaun liuhosi Diretór Jerál Edukasaun Pré-Eskolar, Ensinu Báziku no Ensinu Rekorrente (DGEPEBER), Sr. Apolinário Serpa Rosa hamutuk ho reprezentante Prezidente Autoridade Munisipál no Diretór Servisu Edukasaun Munisipál, halo abertura ba formasaun manorin sira kona-ba kurríkulu foun ba Ensinu Báziku Siklu Datoluk, liu-liu ba klase 8 nian, ne'ebé realiza iha salaun Edukasaun Munisípiu Viqueque.

Iha okaziaun ne'e, Diretór Jerál Apolinário Serpa Rosa hateten katak, “objetivu prinsipál hosi formasaun ne'e mak atu garante kualidade ensinu no kapasita manorin sira hodi adapta lalais ho mudansa kurrikulár, nune'e bele prepara estudante sira iha Ensinu Báziku Siklu Datoluk nian atu iha kbiit kompete no hatán ba ezijénsia no dezafiu sira iha sékulu 21”.

Iha fatin hanesan, Formadór Nasionál husi INFORDEPE, Ruben Martins esplika katak, Kurríkulu tuan 75% prosesu aprendizajen foka ba manorin ne'ebé hanorin no fó konteúdu, enkuantu 25% de'it mak estudante sira rona, memoriza matéria, no halo ezame. Maibé, iha kurríkulu foun, 25% ba manorin no 75% ba estudante, ne'e katak profesór sira fahe de'it konteúdu, enkuantu estudante sira mak buka rasik, prátika rasik, no halo peskiza rasik, no manorin sira nu'udar fasilitadór.

Nia fó razaun tan katak, ho abilidade no kuadru kompeténsia ne'ebé di'ak, manorin sira bele estimula estudante sira-nia pensamentu krítiku, kriatividade no kolaborasaun hodi prepara hikas jerasaun foun ba futuru.

Entretantu, Formandu husi Eskola CAFE Viqueque, profesór Marcelino Soares Neno sublina katak, formasaun ne'e mai iha tempu ne'ebé loloos hodi ajuda sira kompriende didi'ak mudansa metodolojia ne'e, tanba maski iha dezafiu kona-ba materiál didátiku, maibé kompromisu manorin nian mak fó apoiu totál ba susesu aplikasaun kurríkulu foun ne'e iha baze.

Atividade formasaun Kurríkulu foun ne'e hala'o durante loron tolu (3), hahú husi loron 22 to'o 24 fulan-Jullu 2026, foka dixiplina 3 maka Siénsias Naturais, Dalen Inglés no Edukasaun, Arte no Kultura.

Tuir ajenda, iha loron dahuluk (22 Jullu), atividade sira foka ba Kuadru Kompeténsia manorin sira nian, introdusaun ba estrutura kurrikulár, no aprezentasaun kona-ba konteúdu investigasaun nian (abilidade sékulu 21). Tuir fali iha loron daruak (23 Jullu), hala'o prátika simulasaun husi formadór no manorin sira, enkuantu iha loron ikus (24 Jullu), atividade foku ba diskusaun kona-ba grella avaliasaun nian.

Enkuantu ba dadus partisipante sira totál hamutuk manorin 133 mak partisipa ona iha formasaun ne'e, ne'ebé fahe ba área espesífiku tolu: Siénsias Naturais: 48 partisipante (Mane: 25 | Feto: 23), Arte e Cultura: 42 partisipante (Mane: 22 | Feto: 20), Dalen Inglés: 43 partisipante (Mane: 30 | Feto: 13.

Inisiativa ne’e tama iha esforsu Ministériu Edukasaun nian atu haforsa kualidade ensinu no promove transformasaun graduál iha prátika pedagójika sira hodi tau alunu iha sentru prosesu aprendizajen no haforsa kompeténsia sira ne’ebé presiza atu responde ba dezafiu sira iha sékulu XXI.

[PORTU]

MINISTÉRIO DA EDUCAÇÃO REFORÇA CAPACITAÇÃO DOS PROFESSORES PARA RESPONDER AOS DESAFIOS DO SÉCULO XXI

Viqueque, 22 de julho de 2026 – O Ministério da Educação está a reforçar a capacitação dos professores, com o objetivo de garantir uma implementação eficaz do novo currículo e preparar os alunos para responderem às exigências e aos desafios do século XXI.

Neste âmbito, o Ministério da Educação, através da Direção-Geral da Educação Pré-Escolar, Ensino Básico e Ensino Recorrente (DGEPEBER), promove uma formação dirigida aos professores do 3.º Ciclo do Ensino Básico, com especial enfoque no 8.º ano de escolaridade. A iniciativa foi oficialmente aberta pelo Diretor-Geral da DGEPEBER, Sr. Apolinário Serpa Rosa, em conjunto com o representante do Presidente da Autoridade Municipal e o Diretor do Serviço Municipal de Educação de Viqueque.

Durante a cerimónia de abertura, o Diretor-Geral Apolinário Serpa Rosa salientou que a formação tem como principal objetivo garantir a qualidade do ensino e fortalecer as competências dos professores, permitindo-lhes adaptar-se de forma eficaz às mudanças introduzidas pelo novo currículo.

“O objetivo principal desta formação é garantir a qualidade do ensino e capacitar os professores para se adaptarem rapidamente às mudanças curriculares, de modo a preparar os alunos do 3.º Ciclo do Ensino Básico para desenvolverem competências e responderem às exigências e aos desafios do século XXI”, afirmou.

Por sua vez, o Formador Nacional do INFORDEPE, Ruben Martins, explicou que a implementação do novo currículo representa uma mudança significativa na abordagem do processo de ensino e aprendizagem.

Segundo o formador, no currículo anterior, cerca de 75% do processo de aprendizagem estava centrado no professor, responsável pela transmissão dos conteúdos, enquanto apenas 25% estava direcionado para a participação ativa dos alunos, que se concentravam sobretudo em ouvir, memorizar os conteúdos e realizar avaliações.

Com o novo currículo, esta abordagem é invertida, passando 75% do processo de aprendizagem a estar centrado nos alunos e 25% no professor. Nesta nova perspetiva, o professor assume essencialmente o papel de facilitador do processo de aprendizagem, enquanto os alunos são incentivados a desenvolver uma maior autonomia, através da pesquisa, da prática e da construção do seu próprio conhecimento.

Ruben Martins acrescentou que o reforço das competências dos professores permitirá estimular nos alunos capacidades fundamentais para o século XXI, nomeadamente o pensamento crítico, a criatividade e a colaboração, contribuindo para a formação de uma nova geração preparada para enfrentar os desafios do futuro.

Entretanto, o professor Marcelino Soares Neno, da Escola CAFE de Viqueque e participante na formação, considerou que a iniciativa decorre num momento oportuno, uma vez que permite aos professores compreenderem melhor as mudanças metodológicas introduzidas pelo novo currículo.

Apesar dos desafios relacionados com a disponibilidade de materiais didáticos, o docente destacou o compromisso dos professores como um dos principais fatores para assegurar o sucesso da implementação do novo currículo nas escolas.

“Esta formação chega no momento certo, porque nos ajuda a compreender melhor as mudanças metodológicas introduzidas pelo novo currículo. Embora existam desafios relacionados com os materiais didáticos, o compromisso dos professores é fundamental para garantir o sucesso da implementação do novo currículo”, afirmou.

A formação decorre durante três dias, de 22 a 24 de julho de 2026, e abrange três áreas disciplinares: Ciências Naturais, Língua Inglesa e Educação, Artes e Cultura.

De acordo com o programa, no primeiro dia, 22 de julho, as atividades estão centradas no quadro de competências dos professores, na introdução à estrutura curricular e na apresentação dos conteúdos relacionados com a investigação e o desenvolvimento de competências para o século XXI.

No segundo dia, 23 de julho, serão realizadas sessões práticas e exercícios de simulação, envolvendo formadores e professores. No último dia, 24 de julho, as atividades estarão focadas na discussão e análise da grelha de avaliação.

No total, participam na formação 133 professores, distribuídos pelas três áreas disciplinares. A área de Ciências Naturais conta com 48 participantes, sendo 25 homens e 23 mulheres; Educação, Artes e Cultura conta com 42 participantes, dos quais 22 homens e 20 mulheres; enquanto Língua Inglesa conta com 43 participantes, sendo 30 homens e 13 mulheres.

A iniciativa enquadra-se nos esforços do Ministério da Educação para reforçar a qualidade do ensino e promover uma transformação gradual das práticas pedagógicas, colocando o aluno no centro do processo de aprendizagem e fortalecendo as competências necessárias para enfrentar os desafios do século XXI.

#Média-ME