Singapore, 23–24 Jullu 2026 – Ministériu Ensinu Superiór, Siénsia no Kultura (MESSK), liu-husi Diretor-Jeral Ensinu Superiór no Siénsia, Sr. Domingos Barros, partisipa iha enkontru rejionál ASEAN University Network (AUN) ne'ebé realiza iha Singapore.

Enkontru ne'e foka ba tema estratéjiku "𝐒𝐭𝐮𝐝𝐞𝐧𝐭-𝐂𝐞𝐧𝐭𝐞𝐫𝐞𝐝 𝐋𝐞𝐚𝐝𝐞𝐫𝐬𝐡𝐢𝐩 & 𝐆𝐨𝐯𝐞𝐫𝐧𝐚𝐧𝐜𝐞, 𝐃𝐢𝐠𝐢𝐭𝐚𝐥 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧, 𝐀𝐫𝐭𝐢𝐟𝐢𝐜𝐢𝐚𝐥 𝐈𝐧𝐭𝐞𝐥𝐥𝐢𝐠𝐞𝐧𝐜𝐞 (𝐀𝐈) 𝐚𝐧𝐝 𝐅𝐮𝐭𝐮𝐫𝐞 𝐒𝐤𝐢𝐥𝐥𝐬, 𝐈𝐧𝐜𝐥𝐮𝐬𝐢𝐯𝐞 𝐖𝐞𝐥𝐥-𝐁𝐞𝐢𝐧𝐠, no 𝐑𝐞𝐬𝐞𝐚𝐫𝐜𝐡 𝐄𝐪𝐮𝐢𝐭𝐲", ho objetivu atu hametin kooperasaun no promove inovasaun iha área ensinu superiór iha rejiaun ASEAN.

Iha enkontru ne'e, Sekretariadu 𝐀𝐒𝐄𝐀𝐍 𝐔𝐧𝐢𝐯𝐞𝐫𝐬𝐢𝐭𝐲 𝐍𝐞𝐭𝐰𝐨𝐫𝐤 (𝐀𝐔𝐍) 𝐓𝐡𝐚𝐢𝐥𝐚𝐧𝐝𝐢𝐚 mos hato'o informasaun ba membru AUN sira kona-ba prosesu integrasaun Timor-Leste no husu ba membru sira atu fó apoiu ba Timor-Leste atu bele asesu no sai membru iha AUN Charter durante tinan 2027, nu'udar parte husi esforsu atu hametin partisipasaun Timor-Leste iha rede kooperasaun ensinu superiór iha ASEAN.

Partisipasaun MESSK iha enkontru ne'e reflete kompromisu Governu Timor-Leste atu kontinua haforsa relasaun no kooperasaun ho ASEAN University Network, hodi hasa'e qualidade ensinu superiór, dezenvolve kapasidade rekursu umanu, no promove investigasaun no inovasaun ba dezenvolvimentu sustentável.

See less