Asuntu : 𝐄𝐌𝐁𝐀𝐈𝐗𝐀𝐃𝐎𝐑𝐀 𝐄𝐗𝐓𝐑𝐀𝐎𝐑𝐃𝐈𝐍Á𝐑𝐈𝐀 𝐍𝐎 𝐏𝐋𝐄𝐍𝐈𝐏𝐎𝐓𝐄𝐍𝐒𝐈Á𝐑𝐈𝐀 𝐅𝐎𝐔𝐍 𝐓𝐋 𝐁Á 𝐉𝐀𝐏𝐀𝐔𝐍 𝐌𝐀𝐑𝐈𝐀 𝐓𝐄𝐑𝐄𝐙𝐈𝐍𝐇𝐀 𝐃𝐀 𝐒𝐈𝐋𝐕𝐀 𝐕𝐈𝐄𝐆𝐀𝐒 𝐊𝐎𝐌𝐏𝐑𝐄𝐌𝐄𝐓𝐈𝐃𝐔 𝐒𝐄𝐈 𝐊𝐎𝐍𝐓𝐈𝐍𝐔𝐀 𝐇𝐀𝐌𝐄𝐓𝐈𝐍 𝐊𝐎𝐎𝐏𝐄𝐑A𝐒𝐀𝐔𝐍 𝐃𝐈’𝐀𝐊 𝐇𝐎 𝐆𝐎𝐕𝐄𝐑𝐍𝐔 𝐉𝐀𝐏𝐀𝐔𝐍 Dili, 18 Setembru 2025 Molok hala’o nia misaun iha Japaun nu'udar Embaixadora Extraordinária no Plenipotensiária foun Timor-Leste nia bá Japaun, Maria Terezinha da Silva Viegas kinta ne’e marka audíensia ho Ministru Transporte no Komunikasaun, Eng.Miguel Marques Gonçalves Manetelu. Iha enkontru ne’e Diplomata Timor-Leste ne’e husu Ministru Manetelu fó informasaun ruma relasiona ho kooperasaun entre Ministériu Transporte no Komunikasun ho governu Japaun nia ajénsia kooperasaun internasionál japaun nian (JICA) liga ho apoiu sira iha setór trasporte no komunikasaun nian apoiu sira husi Povu Japao liu husi JICA hanesan Projetu boot sira expansaun no dezenvolvimentu bá Aeroportu Internasionál Prezidente Nicolau Lobato no investimentu Tsuneishi Shipbuilding nian iha setór marítimu Timor-Leste. Enkuantu iha 18 Agostu 2025 Prezidente Repúblika no Laureadu Nobel bá Pás, J. Ramos-Horta, fó posse bá Maria Terezinha da Silva Viegas, nu’udar Embaixadora Extraordinária no Plenipotensiária foun Timor-Leste nian bá Japaun. Serimónia ne’ebé hala’o iha Palásiu Prezidensiál Nicolau Lobato. Embaixadora Viegas distinta líder timoroan, dedika ona ninia kárreira bá servisu públiku no lideransa parlamentár. Nia servisu ona iha Parlamentu Nasionál Timor-Leste nian iha lejislatura oi-oin, inklui nu’udar Vise-Prezidente bá Parlamentu Nasionál (2023–2028), Sekretária Estadu bá Asuntu Parlamentár (2012–2017), membru hosi komisaun xave sira parlamentár nian no partisipasaun ativu iha fórum internasionál sira hanesan AP-CPLP, iha ne’ebé nia lidera ona enkontru sira iha Portugál, Mozambique no Cabo Verde. Atu fó hanoin de’it katak Dezde estabelese relasaun diplomátika iha tinan 2002, Timor-Leste no Japaun harii ona parseria ne’ebé forte. Japaun sai hanesan apoiante prinsipál bá Timor-Leste nia dezenvolvimentu, hodi fornese asisténsia iha infraestrutura hanesan, kuidadu saúde, edukasaun no redusaun risku dezastre liuhosi JICA. Projetu boot sira hanesan Estrada Nasionál No. 1, no Ponte Comoro, hamutuk ho inisiativa sira iha agrikultura, peska, enerjia renovável, no Kooperasaun Defeza. Kolaborasaun resente inklui espansaun Ospitál Nasionál Guido Valadares, INPEX nia envolvimentu iha dezenvolvimentu enerjétiku no Japaun mós apoia Timor-Leste nia adezaun bá ASEAN. Japaun nafatin nu’udar parseiru ne’ebé vitál iha Timor-Leste nia esforsu dezenvolvimentu sustentável no integrasaun rejionál. relasaun Timor-Leste no Japaun marka pasu signifikativu ida hodi hametin parseria estratéjika entre Timor-Leste no Japaun. 𝐌é𝐝𝐢𝐚 𝐌𝐓𝐊
Data Publica : 22 Sep 2025
Descrisaun :
