Asuntu : SEPC KONTINUA DESKAREGA FO᾽OS RIHUN IDA BA POSTU ADMNISTRATIVO ATAURO HODI RESPONDE BA FAMILIA VULNERAVEL SIRA Dili 18 Setembro 2025 Secretario Estado Proteção Civil (SEPC) Domingos Mariano Reis,iha kinta feira ne᾽e apoiu ona fo᾽os rihun ida (1000) ba Autoridade Postu Admnistrativo Atauro,ne᾽ebe mak simu direita husi Prezidenti Interina atauro.No apoiu ne᾽e ho objetivu atu responde ba familia vulneravel sira liu-liu inan aman sira ne᾽ebe mak presija duni ai-han. Tamba ne᾽e Governante hateten papel politika Secretario Estado Proteção Civil (SEPC) mak atu planeia servi no proteje sidadaun Timor-Leste husi kauza dezastre,bainhira dezastre akontese iha Timor-Leste. “Ha᾽u mak Secretario Estado Proteção Civil (SEPC) Domingos Mariano Reis, Ne᾽ebe hetan konfiansa husi IX Governo Konstitusional lidera husi Maun Bo᾽ot Kay Rala Xanana Gusmão depozita komfiansa mai ha᾽u nu᾽udar Secretario Estado Proteção Civil (SEPC)ne᾽ebe mak nu᾽udar Segundo Omen husi Ministerio Interior (MI) ha᾽u nia prejensa iha IX Governo Konstitusional atu kordena no planeia kordena no ezekuta politika IX Governo Konstitusional misaun.” “Ha᾽u nia misaun atu halo saida,atu servi no proteje sidadaun Timor-Leste husi kauza dezastre,bainhira dezastre akontese iha Timor-Leste iha responsavel maximu husi Secretario estado Proteção Civil (SEPC).Entaun ita mai ho programa rua importante,Programa ida hanaran programa siguranasa nasional,programa Segundo mak funsionamentu no dezenvolvimentu intituisional iha programa IX Governo Konstitusional nian baseia ba planu estratejiku (PEDN 2011 no 2030). Governante ne᾽e fundamenta Saida mak APC tenki halo,ida asegura sidadaun hotu-hotu tenki seguru husi kauza dezastre,ita hotu-hotu hatene ohin loron mundo tomak preokupa ho mudansa klimatika,mudansa klimatika sai kauza bo᾽ot ne᾽ebe mak afeita mundo tomak,ema barak mak lakon vida,no ema barak lakon sira nia rikusoin kauza dezastre ida ne᾽e. “Tamba ne᾽e nia haktuir prejensa ohin iha Atauro ho objetivu ida, ita hotu hatene Timor-Leste afeita mos mudansa klimatika,hanesan prezidenti interina hateten ona katak,Atauro nia rai ne᾽e geografikamente nia rai ne᾽e la produtivu atu produs hare, maibe produs de᾽it ai-fuan no batar.” “Tamba ne᾽e mak ha᾽u husu ba (Word Food Program-WFP) iha tinan kotuk apoiu fo᾽os ba Autoridade Proteção Civil (APC) hamutuk tonelada rihun atus haat haat nolu resin lima. entaun ha᾽u iha hanoin saida mak ita tenki halo ba ita nia sidadaun sira iha Teritorio Nasional. Ida Primeru ita distribui ai-han ba teritorio tomak hamutuk tonelada atus rua resin no espesial mak atauro hanesan ita nia prezidenti interina atauro hateten,fos sakas rihun ida (1000).No apoiu rihun ida ne᾽e ho hanoin ida atu responde duni ba nesidade familia vulneravel sira nian,liu-liu inan aman sira ne᾽ebe mak presija ai-han ita apoiu oituan ba sira.” Iha fatin hanesan reprezentante Prezidenti Interina lori Prezidenti Autoridade Atauro nia naran,hato᾽o agradese no apresiasaun bo᾽ot ba Secretario Estado Proteção Civil (SEPC) tamba apoiu ona foos ba Atauro ho numeru ne᾽ebe mak bo᾽ot kompara ho Munisipiu sira seluk. Total populasaun iha Postu Atauro hamutuk rihun sanolu resin rua-atus lima-lima kompostu husi Suku Lima,hanesan Suku Villa Maumeta,Beloi,Makili,Makadadi,Bqueli. MEDIA SEPC
Data Publica : 22 Sep 2025
Descrisaun :
