𝗗í𝗹𝗶, 𝟮𝟰 𝗝𝘂𝗹𝗹𝘂 𝟮𝟬𝟮𝟲 – Ministru Komérsiu no Indústria, Sr. Nino Pereira, hamutuk ho Vise‑Ministru Komérsiu no Indústria, Sr. Augusto Júnior Trindade, hala’o enkontru ho Kargu Diretór Jerál (DGs), Diretór Nasionál (DNs), Xefe Departamentu, Inspetor, Kordenador GCPeR, Xefe Gabinete, inklui Asesor sira hotu, hodi kontinua deskuti funsionamentu no dezenvolvimentu institusional ba prioridade tinan 2027. Reuniaun ne’e hala’o iha salaun MCI, Fomentu Mandarin Dili.

Ministru Nino Pereira, apresia ba kontribuisaun hanoin hosi ekipa tékniku kona-ba politika komérsiu no indústria no kontrolu merkadu livre, tenki nafatin iha politika ida ne’ebé garante fasilidade administrativu no legalidade ba funsionamentu atividade komérsiu.

Ministru mos hateten, prioridade sei inklui estabelesimentu adido komérsiu iha Australia no Malaysia, hanesan parte hosi esforsu diplomátiku atu fó fasilidade ba relasaun komérsiu internasionál.

“𝘚𝘪𝘴𝘵𝘦𝘮𝘢 𝘴𝘦𝘳𝘵𝘪𝘧𝘪𝘬𝘢𝘴𝘢𝘶𝘯 𝘬𝘰𝘯𝘵𝘢𝘣𝘪𝘭𝘪𝘥𝘢𝘥𝘦, 𝘯𝘦’𝘦𝘣é 𝘒𝘰𝘯𝘴𝘦𝘭𝘭𝘶 𝘔𝘪𝘯𝘪𝘴𝘵𝘳𝘶 𝘢𝘱𝘳𝘰𝘷𝘢 𝘰𝘯𝘢 𝘭𝘪𝘶 𝘩𝘶𝘴𝘪 𝘥𝘦𝘬𝘳𝘦𝘵𝘶 𝘭𝘦𝘪 𝘬𝘰𝘯𝘢‑𝘣𝘢 𝘒𝘰𝘯𝘴𝘦𝘭𝘭𝘶 𝘒𝘰𝘯𝘵𝘢𝘣𝘪𝘭𝘪𝘴𝘵𝘢 𝘛𝘪𝘮𝘰𝘳‑𝘓𝘦𝘴𝘵𝘦. 𝘚𝘪𝘴𝘵𝘦𝘮𝘢 𝘪𝘥𝘢 𝘯𝘦’𝘦 𝘴𝘦𝘪 𝘧ó 𝘣𝘢𝘴𝘦 𝘣𝘢 𝘳𝘦𝘭𝘢𝘵𝘰𝘳𝘪𝘶, 𝘬𝘰𝘯𝘵𝘢𝘣𝘪𝘭𝘪𝘥𝘢𝘥𝘦 𝘯𝘰 𝘴𝘦𝘳𝘵𝘪𝘧𝘪𝘬𝘢𝘴𝘢𝘶𝘯 𝘱𝘳𝘰𝘧𝘦𝘴𝘪𝘰𝘯𝘢𝘪𝘴, 𝘢𝘵𝘶 𝘧ó 𝘴𝘦𝘨𝘶𝘳𝘢𝘯𝘴𝘢 𝘣𝘢 𝘵𝘳𝘢𝘯𝘴𝘱𝘢𝘳é𝘯𝘴𝘪𝘢 𝘢𝘵𝘪𝘷𝘪𝘥𝘢𝘥𝘦 𝘦𝘬𝘰𝘯𝘰𝘮𝘪𝘢.” Ministru hateten.

Vise‑Ministru Augusto Júnior Trindade, mos fó esplikasaun kona‑ba importánsia integrasaun Timor‑Leste iha ASEAN. Nia subliña nesesidade ba regulamentu lei kona‑ba tranzitu armazenamentu, tamba merkadu livre presija akompanhamentu tekniku atu prevene entrada ilegal sasan no planu ba setor komérsiu no indústria tenki implementa gradual, la bele halo dala ida deit, hanesan esemplu ba atividade ekonomia lokal iha Atauro.

Diresaun Jerál sira, halo aprezentasaun ba servisu no programa sira ne’ebé sei implementa hodi subliña objetivu estratéjiku sira, liuhosi reforma administrativu atu fó efisiénsia no transparénsia ba servisu públiku, programa dezenvolvimentu ekonomia lokal,Inisiativa kapasidade rekursu Umanu, ba formasaun no treinamentu ba funsionáriu sira iha MCI.

Iha reuniaun ne’e partisipa hosi, Ministru no Vise-Ministru, Xefe Gabinete Ministru, Diretór Jerál, Diretór Nasionál, Inspetur, Xefe Departamentu, no asesór sira.

𝙈𝙚𝙙𝙞𝙖 𝙈𝘾𝙄

See less