𝐃í𝐥𝐢, 𝟐𝟕 𝐉𝐮𝐥𝐥𝐮 𝟐𝟎𝟐𝟔-Ministru Komérsiu no Indústria, Sr. Nino Pereira, halo abertura ba workshop Konsultasaun Nasionál “Haburas Sistema Edukasaun ne’ebé Interligadu no Inovativu, Prontidaun Timor-Leste ba Tókiu no Konvensaun Globál.” Iha Ótel Novo Turizmu.

Ministru Nino Pereira, Lori Governu Timor-Leste nia naran, espresa nia apresiasaun sinseru ba UNESCO, liuhosi Programa Fundu sira iha konfiansa UNESCO-Repúblika Koreia nian, no workshop konsultasaun MESCC-UNESCO ba parseiru nasional no internasionál ne'ebé iha valór ho kolaborasaun hodi nafatin apoia ba inisiativa ne'e.

Iha okaziaun ne’e Ministru mos husu, ba partisipante sira atu ho ativu no espírito konstrutivu iha workshop ida ne’e, tanba inísiu husi viajen Timor-Leste nian ba konstrusaun sistema rekoñesimentu kualifikasaun ne’ebé iha konfiansa internasionál

“Konsultasaun ida-ne’e importante atu valida rezultadu dahuluk hosi Comprehensive Readiness Assessment no atu rona ita-boot sira-nia hanoin, esperiénsia no sujestaun sira. Kontribuisaun hotu sei ajuda hadi’a avaliasaun ida-ne’e no orienta etapa tuir mai sira atu prepara Timor-Leste ba ratifikasaun no implementasaun efetiva Konvensaun Tokyo no Konvensaun Global.”

Konvensaun Tókiu UNESCO no Konvensaun Globál UNESCO fornese enkuadramentu internasionál sira, hodi apoia rekoñesimentu akadémiku, konfiansa mútua no mobilidade transfronteirisu.

Workshop ba konsultasaun nasionál ne’e, permite parte interesada sira, atu valida deskobrimentu diskute implikasaun no identifika asaun prioridade prátika hodi hametin Timor-Leste nia sistema rekoñesimentu iha kualifikasaun sira.

𝙈𝙚𝙙𝙞𝙖 𝙈𝘾𝙄

See less