Asuntu : 𝐌𝐈𝐍𝐈𝐒𝐓É𝐑𝐈𝐔 𝐅𝐈𝐍𝐀𝐍𝐒𝐀𝐒 𝐇𝐎 𝐁𝐀𝐍𝐊𝐔 𝐌𝐎𝐙𝐀𝐌𝐁𝐈𝐐𝐔𝐄 𝐅𝐀𝐇𝐄 𝐄𝐒𝐏𝐄𝐑𝐈É𝐍𝐒𝐈𝐀 𝐍𝐎 𝐊𝐎Ñ𝐄𝐒𝐈𝐌𝐄𝐍𝐓𝐔 𝐊𝐎𝐍𝐀-𝐁𝐀 𝐉𝐄𝐒𝐓𝐀𝐔𝐍 𝐅𝐔𝐍𝐃𝐔 𝐏𝐄𝐓𝐑𝐎𝐋Í𝐅𝐄𝐑𝐔
Data Publica : 22 Sep 2025
Descrisaun :

Díli,kuarta, 10/09/2025- Ministériu Finansas Timor-Leste, liu husi Gabinete Polítika Jestaun Fundu Petrolíferu, hasoru malu ho delegasaun ida husi Banku Mozambique iha 27 Agostu 2025. Enkontru ida ne’e, halo iha Edifísiu Ministériu Finansas iha Díli, nuda’ar parte ida husi vizita traballu durante semana ida.

Durante vizita, delegasaun husi Banku Mozambique halo konsulta ho entidade relevante oin-oin nebe’e involve iha jestaun no investimentu Fundu Petrolíferu, inkluindu Banku Sentral Timor-Leste, Autoridade Tributária, Parlamentu Nasional no EITI-TL.

Objetivu prinsipal husi enkontru refere maka fahe informasaun, esperiénsia no koñesimentu Timor-Leste nian iha jestaun Fundu Petrolíferu. Informasaun no koñesimentu nebe’e sira hetan sei sai nuda’ar referénsia ida ba sira bainhira sira estabelese sira-nia fundu soberanu.

Fontes:https://www.facebook.com/share/p/16wbYhj6Bd/

 


Voltar

Galeria


Video

Dokumentus