Díli, 27 Jullu 2026: Ministériu Ensinu Superiór, Siénsia no Kultura (MESSK) partisipa iha 𝐒𝐞𝐦𝐢𝐧á𝐫𝐢𝐮 𝐊𝐨𝐧𝐬𝐮𝐥𝐭𝐚𝐬𝐚𝐮𝐧 𝐍𝐚𝐬𝐢𝐨𝐧á𝐥 ho tema "𝐅𝐨𝐬𝐭𝐞𝐫𝐢𝐧𝐠 𝐚𝐧 𝐈𝐧𝐭𝐞𝐫𝐜𝐨𝐧𝐧𝐞𝐜𝐭𝐞𝐝 𝐚𝐧𝐝 𝐈𝐧𝐧𝐨𝐯𝐚𝐭𝐢𝐯𝐞 𝐄𝐝𝐮𝐜𝐚𝐭𝐢𝐨𝐧 𝐒𝐲𝐬𝐭𝐞𝐦: 𝐓𝐢𝐦𝐨𝐫-𝐋𝐞𝐬𝐭𝐞'𝐬 𝐑𝐞𝐚𝐝𝐢𝐧𝐞𝐬𝐬 𝐟𝐨𝐫 𝐭𝐡𝐞 𝐓𝐨𝐤𝐲𝐨 𝐚𝐧𝐝 𝐆𝐥𝐨𝐛𝐚𝐥 𝐂𝐨𝐧𝐯𝐞𝐧𝐭𝐢𝐨𝐧𝐬", ne'ebé realiza iha Hotel Novo Turismo, Díli.

Semináriu ne'e organiza husi UNESCO hamutuk ho Governu Timor-Leste atu diskute no valida rezultadu inisiál husi 𝐂𝐨𝐦𝐩𝐫𝐞𝐡𝐞𝐧𝐬𝐢𝐯𝐞 𝐑𝐞𝐚𝐝𝐢𝐧𝐞𝐬𝐬 𝐀𝐬𝐬𝐞𝐬𝐬𝐦𝐞𝐧𝐭 (𝐂𝐑𝐀) kona-ba preparasaun Timor-Leste atu ratifika no implementa 𝐔𝐍𝐄𝐒𝐂𝐎 𝐓𝐨𝐤𝐲𝐨 𝐂𝐨𝐧𝐯𝐞𝐧𝐭𝐢𝐨𝐧 no 𝐔𝐍𝐄𝐒𝐂𝐎 𝐆𝐥𝐨𝐛𝐚𝐥 𝐂𝐨𝐧𝐯𝐞𝐧𝐭𝐢𝐨𝐧, ne'ebé fó orientasaun internasionál ba rekoñesimentu kualifikasaun akadémika, aumenta konfiansa entre nasaun sira no fasilita mobilidade estudante no profisionál sira.

Semináriu ne'e fó oportunidade ba reprezentante husi instituisaun governamentál, instituisaun ensinu superiór, TVET, parseiru dezenvolvimentu no espesialista internasionál sira atu hatán ba rezultadu avaliasaun, identifika prioridade legál, institusionál no operasionál, no konkorda kona-ba planu asaun nasionál atu hametin sistema rekoñesimentu kualifikasaun iha Timor-Leste.

Atividade ida-ne'e hanesan parte husi projetu 𝐔𝐍𝐄𝐒𝐂𝐎–𝐑𝐞𝐩𝐮𝐛𝐥𝐢𝐜 𝐨𝐟 𝐊𝐨𝐫𝐞𝐚 𝐅𝐮𝐧𝐝𝐬-𝐢𝐧-𝐓𝐫𝐮𝐬𝐭: 𝐄𝐝𝐮𝐜𝐚𝐭𝐢𝐨𝐧𝐚𝐥 𝐈𝐧𝐧𝐨𝐯𝐚𝐭𝐢𝐨𝐧 𝐚𝐧𝐝 𝐑𝐞𝐠𝐢𝐨𝐧𝐚𝐥 𝐈𝐧𝐭𝐞𝐠𝐫𝐚𝐭𝐢𝐨𝐧 𝐢𝐧 𝐀𝐬𝐢𝐚-𝐏𝐚𝐜𝐢𝐟𝐢𝐜 (𝟐𝟎𝟐𝟓–𝟐𝟎𝟐𝟖), ne'ebé suporta inovasaun edukasaun no integrasaun rejionál iha rejiaun Ázia-Pasífiku.

See les