Asuntu : PRIMEIRU-MINISTRU IHA LONDRES PREPARA NEGOSIASAUN BA DELIMITASAUN FRONTEIRAS Primeiru-Ministru, Kay Rala Xanana Gusmão, dezloka ba Londres hodi partisipa iha sorumutu estratéjiku ida, iha loron 19 to’o 20 fulan-setembru tinan 2025, ho jurista internasionál famozu sira ne’ebé espesilizadus iha Direitu Internasionál no ho ekipa jurídika nasionál, nu’udar parte ida hosi preparasaun ba negosiasaun formál sira ho Indonézia kona-ba delimitasaun fronteiras terrestres no marítimas, ne’ebé prevee ba inísiu fulan-dezembru ne’e. Iha Londres, Xefe Governu, ne’ebé akompaña husi ekipa Gabinete Fronteiras Terrestres no Marítimas, hasoru malu ho advogadu no konselleiru jurídiku seniór sira ne’ebé akompaña ona prosesu delimitasaun fronteiras Timor-Leste nian, ho objetivu atu hetan akordu no prepara pozisaun nasionál atu aprezenta iha negosiasaun sira ho Indonézia. .Link ba komunikadu kompleta iha Portal Governu https://timor-leste.gov.tl/?p=45340&n=1&lang=tp
Data Publica : 23 Sep 2025
Descrisaun :
