Asuntu : TÉKNIKU DNRPM REPREZENTA SEI BA PARTISIPA SIMEIRA BA FETO PÁS NO SEGURANSA ASEAN 2025, HO TEMA "PROMOVE PRÁTIKA DI'AK NO LISAUN SIRA HOSI IMPLEMENTASAUN PLANU ASAUN REJIONÁL KONA-BA FETO, PÁS NO SEGURANSA (WPS) IHA ASEAN," BA Malázia, 9 fulan-setembru tinan 2025—Sekretaria Estadu ba Igualdade (SEI), liu husi Diresaun Nasionál Relasaun Públika no Mídia (DNRPM-SEI), Departamentu Mídia no Komunikasaun Delega Funsiunáriu Tékniku, Sr. José Oliveira Rodrigues, partisipa iha Enkontru Nivél Altu, Simeira kona-ba Feto Pás no Seguransa ASEAN Tinan 2025, ho Tema “Promove Prátika Di’ak no Lisaun Sira hosi Implementasaun Planu Asaun Rejionál kona-ba Feto, Pás no Seguransa (WPS) iha ASEAN” Durante Loron Rua (2) iha Malázia. Objetivu sira hosi Simeira WPS ASEAN nian, Desde 2020, Prezidente ASEAN ida-idak hala'o ona papél xave ida hodi halo advokasia no habelar kompromisu rejionál hodi avansa ajenda WPS iha rejiaun, hosi Viet Nam (2020) to'o Brunei (2021), Kamboja (2022), no Indonézia (2023). Harii iha kompromisu ne'ebé halo ona iha RPA ASEAN nian kona-ba WPS no Simeira WPS ASEAN dahuluk ne'ebé maka sai uma-na'in hosi Indonézia, Simeira WPS ASEAN daruak nian sei organiza iha lideransa hosi Malázia nu'udar Prezidente ASEAN nian (2025) ho apoiu hosi Sekretariadu ASEAN nian, UN Women no parseiru diálogu sira, inklui Austrália, Reinu Unidu, no Kanadá. Objetivu jerál hosi Simeira ne’e mak atu hametin kompromisu polítiku no kaptura progresu prinsipál, dezafiu no oportunidade sira iha implementasaun RPA ASEAN nian kona-ba WPS iha rejiaun, inklui prátika di’ak sira ne’ebé mosu no lisaun xave sira ne’ebé aprende hosi esforsu lokalizasaun nian ne’ebé identifika ona iha RPA ASEAN nian kona-ba Feto Pás no Seguransa (WPS). Atividade ne’ebé mak hala’o durante iha Seremónia Simeria refere mak hanesan, iha loron dahuluk, abertura Seremónia Simeria refere husi Sekretáriu Jerál no Ministériu Feto, Família no Dezenvolvimentu Komunitáriu ACW Malázia, Sra. Datuk Dr. Maziah Binti Che Yusoff, hamutuk ho Reprezentante Membru ASEAN husi Nasaun Membru ASEAN nia kona-ba Feto Pás no Seguransa ASEAN 2025 ho Tema Promove Prátika Di’ak no Lisaun Sira hosi Implementasaun Planu Asaun Rejionál kona-ba Feto, Pás no Seguransa (WPS) iha ASEAN”, Lansamentu ba Planu Asaun Nasionál Malázia nian kona-ba Feto, Dame no Seguransa, ne’ebé mak lansa husi Sua Exelénsia Ministra ba Feto, Família, no Dezenvolvimentu Komunitáriu, Malázia ho Vise-Primeiru Ministru Malázia, Sua Exelénsia Dato’ Sri haji Fadillah bin Haji Yusof, aprezentasaun kona-ba Planu Asaun Rejionál ASEAN nian kona-ba Feto, Pás no Seguransa ne’ebé mak aprezenta husi, Sekretáriu Estadu Ministériu Asuntu Feto nian Reinu Kamboja nian Prezidente Grupu Konsultivu ASEAN WPS nian, Sra. Koung Sorita, sesaun aprezentasaun daruak iha loron dahuluk, mak Hametin Kompromisu Nasionál sira, liuhusi Refleksaun no Esperiénsia sira iha Implementasaun Planu Asaun Nasionál Feto Pás no Seguransa (WPS) iha ASEAN, ne’ebé mak modera husi Asistente Diretór/Xefe Divizaun Eradikasaun Pobreza no Jéneru, Sekretariadu ASEAN, no aprezentadora mak, Sua Exelénsia Vise Ministra Protesaun Direitu Feto Ministériu Hakbiit Feto no Protesaun Labarik Repúblika Indonézia, Sra. Desy Andriani ho Diretór EzekutivuGabinete Konselleiru Prezidensiál ba Dame, Rekonsiliasaun no Unidade (OPAPRU) Filipina, Sra. Susana H. Marcaida, Sesaun Datoluk nian, iha aprezentasaun kona-ba, Lideransa no Partisipasaun Feto nian iha Prevensaun Konflitu, Rezolusaun no Rekuperasaun iha ASEAN: Prespetiva Rejionál no Nasaun nian, ne’ebé mak modera husi, Espesialista Senior GAD, Komisaun Filipina ba Feto, ACW Filipina, Sr. Neil Ryann Rodil, iha mós sesaun diskusaun ne’ebé mak fahe ba Grgupu Rua, Grupu Dahuluk ko’alia kona-ba, Asaun Klimátika ne'ebé Responde ba Jéneru no Reziliénsia ba Dezastre ba Pás no Seguransa no Esforsu sira ne'ebé Responde ba Jéneru hodi Prevene no Kontra Estremizmu Violentu (PCVE), no Grupu Daruak ko’alia kona-ba, WPS iha Era Dijitál: Siber seguransa, Teknolojikamente Fasilita Violénsia Hasoru Feto, no Feto nia Partisipasaun iha Ekonomia Dijitál, no Han Kalan Hamutuk. Iha loron Daruak nian, halo fila fali rekapitulasaun ba materia loron dahuluk nian, ne’ebé mak hato’o husi Ofisiál Superiór WPS-GEDSI, Divizaun Eradikasaun Pobreza no Jéneru, Sekretariadu ASEAN, Sra. Rebecca Baylosis, kontinua halo diskusaun nafatin ne’ebé fahe ba Grupu Tolu (3) hodi ko’alia kona-ba Papel Juventude, Defisiénsia no Indíjena sira iha Avansu Ajenda WPS iha ASEAN, Papél Sosiedade Sivíl nian iha Avansu Ajenda WPS nian iha ASEAN, no Papel Mídia no Plataforma Dijitál sira nian iha Avansu Ajenda WPS nian iha ASEAN no sesaun ikus nian mak Konsolida Parseria sira no Hametin Mobilizasaun Rekursu sira hodi Apoia Implementasaun RPA ASEAN nian kona-ba WPS. Seremonia Simeria ne’e Partisipa husi Nasaun sira husi Membru ASEAN hotu inklui Timor-Leste, no Oradór/a sira ne’ebé mak mai fahe sira-nia esperiénsia mai husi Nasaun, Australia, Canada, no Europeia. Fontes: https://www.facebook.com/share/p/174c7M2fZG/
Data Publica : 23 Sep 2025
Descrisaun :
