𝗔𝘁𝗮𝘂𝗿𝗼-𝗕𝗲𝗹𝗼𝗶, 𝟬𝟳, 𝗔𝗴𝗼𝘀𝘁𝘂 𝟮𝟬𝟮𝟲 - Ministru Komersiu no Industria Sr. Nino Pereira, halo vizita ba toos integradu iha aldeia Usubemasu, Suco Beloi, Atauro, ne'ebé hala'o husi Sr. Joel Gomes. Iha fatin refere, aleinde, kuda modo orgániku(kanku, brinjela, modo mutin, aimanas), haki'ak mós fahi no bibi.

Toos integradu ne'e fornesa nesesidade modo-tahan ba komunidade sira no apoiu ba merenda eskolar, ho rendimentu porvolta US$200-US$400, maské nune sei enfrenta hela problema balun ne'ebé presija apoiu husi governu.

Toos integradu refere, durante ne'e seidauk hetan apoia ruma husi governu no ajensia balun, tenik Sr. Joel Gomes. Nia hateten katak iha planu ba oin atu haki'ak tan manu, no rekruta tan trabalhador hodi apoia servisu iha terenu.

Modo tahan iha toos ne'e buras ho be'e ne'ebé sufisiente ho adubus natural/orgániku produs husi foer animal sira, ne'ebé haki'ak iha toos nia sorin.

Vizita ida ne'e akompaña mós husi Prezidente Autoridade Administrativu Atauro Sr. Mateus Belo, Diretor MCI Munisipiu no ekipa sira seluk.

Media MCI

See less