Asuntu : 𝐌𝐢𝐧𝐢𝐬𝐭𝐫𝐮 𝐌𝐃𝐑𝐇𝐂 𝐇𝐚𝐟𝐨𝐫𝐬𝐚 𝐊𝐨𝐥𝐚𝐛𝐨𝐫𝐚𝐬𝐚𝐮𝐧 𝐡𝐨 𝐈𝐋𝐎 𝐓𝐡𝐚𝐢𝐥𝐚𝐧𝐝𝐢𝐚 𝐊𝐨𝐧𝐚-𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚́𝐥 Segunda 22 setember 2025 Bangkok, Tailándia – M𝐢𝐧𝐢𝐬𝐭𝐫𝐨 𝐛𝐚 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐑𝐮𝐫𝐚𝐥 𝐧𝐨 𝐇𝐚𝐛𝐢𝐭𝐚𝐜̧𝐚̃𝐨 𝐊𝐨𝐦𝐮𝐧𝐢𝐭𝐚́𝐫𝐢𝐚, 𝐄𝐧𝐠. 𝐌𝐚𝐫𝐢𝐚𝐧𝐨 𝐀𝐒𝐒𝐀𝐍𝐀𝐌𝐈 𝐒𝐚𝐛𝐢𝐧𝐨, hala’o vizita ofisiál ba sede International Labour Organization (ILO) iha Thailandia nian, hodi haforsa kolaborasaun kona Programa Dezenvolvimentu Rurál nian. Objetivu husi vizita offisial ne’e atu hametin kolaborasaun iha Area Dezenvolvimentu Rural, Dezenvolvimentu Ko’operativa, no Dezenvolvimentu Abilidade Komunidade nian. Asstuntu kona ba Pobreza, Inseguransa ai-han, Malnutrisaun, no oportunidade empregu limitadu iha área rurál sira sai hanesan foku prinsipál ba diskusaun sira, hare ba papél krusiál husi komunidade rurál sira nu'udar motor ba dezenvolvimentu nasionál. Durante enkontru ho lideransa ILO no ekipa tékniku, diskute enkuadramentu intervensaun multidimensionál oinsa Hamenus Kiak, Hadi’a Nutrisaun, Seguransa Ai-han, Kriasaun Empregu, Inkluzaun Sosiál Vise-Primeiru-Ministru afirma, Timor-Leste nia kompromisu ba parseria besik ho ILO. Nia afirma katak Timor-Leste sei kontinua husu apoiu Globál ILO hodi suporta asisténsia téknika, kapasitasaun, no programa konjunta sira ne'ebé relevante ba nesesidade lokál Timor-Leste nian. Enkontru ne’e konklui ho akordu ida atu esplora programa kolaborativu sira ne’ebé promove produtividade, reziliénsia, no inkluzaun sosiál iha komunidade rurál sira. Vizita ne’e marka pasu importante ida hodi hametin Timor-Leste nia relasaun ho ILO no afirma diresaun dezenvolvimentu sustentável no inkluzivu ne’ebé tau komunidade rurál sira iha sentru ba kreximentu nasionál.
Data Publica : 23 Sep 2025
Descrisaun :
