𝟎𝟔 𝐀𝐠𝐨𝐬𝐭𝐮 𝟐𝟎𝟐𝟔

============

Embaixadóra Timor-Leste ba Austrália, Inês Maria de Almeida, hamutuk ho kargu xefia sira husi Sekretaria Estadu Formasaun Profisionál no Empregu (SEFOPE), hala'o enkontru ho Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato' Seri Francisco Kalbuadi Lay, iha Gabinete Vise-PM, Farol, Díli, Kinta, 06 Agostu 2026, hodi ko’alia kona-bá kooperasaun bilaterál sira iha área empregu liu-liu traballadór Timor-oan sira ne’ebé servisu iha rai-Austrália.

Iha okaziaun ne'e, Embaixadóra Inês Maria de Almeida mos fó atualizasaun kona-bá atividade diplomátika no kooperasaun ne'ebé Embaixada Timor-Leste iha ho Austrália hala'o hela, inklui oportunidade sira atu atrai investimentu, promove turizmu Timor-Leste no hametin relasaun entre nasaun rua.

Governu kontinua hametin koordenasaun ho reprezentasaun diplomátika Timor-Leste nian iha rai-liur hodi promove interese nasionál, atrai investimentu no loke oportunidade ekonomia foun ba povu Timor-Leste.

See less