𝟎𝟕 𝐀𝐠𝐨𝐬𝐭𝐮 𝟐𝟎𝟐𝟔

============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato' Seri Francisco Kalbuadi Lay, hala'o enkontru kortezia ho Vise-Prezidente International Finance Corporation (IFC), Sra. Elena Bourganskaia, akompañadu husi Diretora Rejionál IFC, Sra. Keiko, no Sr. David Freedman, iha Gabinete Vise-PM, Farol, Díli, Sesta, 07 Agostu 2026, hodi hametin kooperasaun entre Governu Timor-Leste no IFC atu nune'e bele aselera dezenvolvimentu setór privadu, atrai investimentu, no promove kreximentu ekonómiku ne'ebé sustentável no inkluzivu.

Iha sorumutu ne'e, diskute kona-bá importánsia hodi kria ambiente investimentu ne'ebé favorável ba investidór sira, tantu husi rai-laran no rai-liur. IFC reafirma ninia kompromisu atu kontinua apoia polítika no mekanizmu finansiamentu ne'ebé bele estimula investimentu, habelar oportunidade empregu, no hametin kapasidade empreza lokál sira.

Vise-Primeiru-Ministru hato'o agradesimentu ba IFC tanba kontinua fó apoiu ba Timor-Leste no hateten katak, Governu sei kontinua halo reforma sira hodi hadi'a ambiente negósiu, simplifika prosesu investimentu, no hasa'e kompetitividade ekonomia nasionál.

See less