𝟎𝟕 𝐀𝐠𝐨𝐬𝐭𝐮 𝟐𝟎𝟐𝟔

============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato' Seri Francisco Kalbuadi Lay, simu vizita kortezia husi Embaixadór Malázia iha Timor-Leste, Fairuz Rozali, hodi diskute kona-bá oportunidade atu hametin relasaun no kooperasaun di'ak ne'ebé durante ne'e iha ona entre Timor-Leste no Malázia, liuliu iha área ekonomia, komérsiu, investimentu, turizmu, no seluk tan.

Vise-Primeiru-Ministru hato'o apresiasaun ba Governu Malázia tanba kontinua fó apoiu ba Timor-Leste no afirma Governu Timor-Leste atu kontinua hametin kooperasaun bilaterál hodi lori benefísiu ba povu rai-rua.

Embaixadór Fairuz Rozali mos afirma Malázia nia kompromisu atu kontinua servisu hamutuk ho Governu Timor-Leste hodi promove relasaun bilaterál ne'ebé forte ba interese komún.

"Agradese tanba hasoru Vise-PM hodi ko'alia kona-bá relasaun bilaterál entre nasaun rua iha área ekonomia no seluk tan,"dehan Embaixadór Malázia iha Timor-Leste iha Gabinete Vise-PM, Farol, Díli, Sesta, 07 Agostu 2026.

See less