Seoul loron 3, fulan-Agostu, tinan-2026, Embaixador Timor-Leste iha Seoul Korea Súl sua Exelénsia. António de Sá Benevides, simu Sekretáriu Estadu ba Formasaun Profisionál no Empregu, sua Exelénsia Rogério Araújo Mendonça L.Ed, no Membru Parlamentu Nasionál husi Komisaun D ne'ebé mak lidera husi, sua exelénsia Ricardo Baptista, ne'ebé mak hala'o vizita traballu iha nasaun Korea.

Iha Vizita traballu ne'e, Embaixador hato'o Bemvidu ba membru Parlamentu Nasionál liu-hosi Komisaun-D ne'e mak trata ba asuntu Ekonómiku no Dezenvolvimentu no Sekretáriu Estadu ba Formasaun Profisionál no Empregu ho Ekipa ne'ebé mak sei hala'o vizita traballu.

Aliende ne'e Prezidente Komisaun D hateten, objetivu husi vizita traballu hodi hare besik realidade traballadór Timor-oan sira hasoru iha nasaun Korea ne'e rasik.

"Agradese bele simu ami ho diak, ami nia objetivu vizita traballu iha ne'e hodi halo Estadu komparativu no obsersava direta ba ita boot sira nia servisu no pernente tebez ba traballador sira, ami sempre komunika beibeik ho SEFOPE, ho vizta ida ne'e hakarak hare besik liu ba alin traballadór sira ne'ebé mak servisu iha ne'e, ami tun ba iha terrenu hodi hare realidade saida mak sira hasoru." Tenik Deputadu Ricardo Baptista iha sorumutu ne'ebé hala'o iha Embaixada Timor-Leste iha Seoul.

Sekretariu Estadu hateten, prezensa membru Parlamentu Nasionál liu-hosi Komisaun D ne'e importante tebez, hodi observa direta Kondisaun ne'ebé traballadór sira hasoru iha nasaun ida ne'e.

"vizita traballu ida ne'e vantajen tebez, hodi hare direta ba tramanebtu saida mak traballdor sira hasoru liu-liu iha area peskas, Fabrika no Agrikultura, liu-liu iha area peskas no tratamentu husi Empregadór sira ba ita-nia alin traballadór sira.