Seoul loron 5, fulan-Agostu, tinan-2026, Sekretáriu Estadu ba Formasaun Profisionál no Empregu Sua Exelénsia Rogério Araújo Mendonça L.Ed hamutuk ho membru Parlamentu Nasionál liu-hosi Komisaun-D Lidera husi sua Exelénsia Ricardo Baptista, hala'o vizita ba Merkadu peskas noryagjin iha Korea Súl.

Noryagjin hanesan merkadu ikan ida ne'ebé ho nia produsaun bo'ot , ne'ebé mak halo distribuisaun ba komsumidores sira iha korea laran tomak.

Ho nune'e jestor merkadu Noryagjin, agradese ba delegasaun hodi vizita sira nia merkadu, nia akresetan katak, sira nia merkadu iha rua ne'ebé mak konsumidores barak vizita hodi hola ikan, nia esperansa katak husi vizita ne'e delegasaun bele hetan buat ruma, hodi sai hanesan referesia ida hodi implementa iha Timor-Leste.

Aliende ne'e Prezidente Komisaun-D mós hato'o nia agradese wain ba jertor merkadu ho ekipa, tanba bele simu delegasaun ho diak.

Nia fundamenta katak, delgasaun husi Parlamentu Nasionál liu-hosi Komisaun-D ne'ebé mak trata ba asuntu ekonomiku no dezenvolvimentu, iha servisu lobuk ida mak liga ba mekradu, peskas no traballador sira liu-liu koalia konaba ekonomia.

Objetivu husi vizita ida ne'e, delagasaun hakarak aprende no hatene maniera jestaun ba merkadu, liu-liu merkadu ne'ebé mak fan ikan, tanba Timor-Leste mos iha tasi, oinsa mak halo jestaun no distribuisaun ikan ba merkadu no konsumidores sira.

Aliende ne'e Sekretáriu Estadu SEFOPE akresta liután katak, lori governu Timor-Leste nia naran hakarak hato'o agradese senseriu ba responsabilidade merkadu noryagjin bele simu delegasaun ho diak.

Sekretáriu Estadu salienta katak, vizita ida ne'e valor boot tebes ba delegasaun, hodi observa ba negosiu husi produtu peskas nian, hodi sai hanesan referensia ida ba futuru Timor-Leste bele iha merkadu ba setor peskas.

Sekretariu Estadu hato'o nia rekomendasaun ba jestor merkadu noryagjin atu iha interese fo oportunidade ba Joven Timor-oan sira mai servisu no aprende iha merkadu ida ne'e, atu hetan esperensia fila ba Timor-Leste, hodi dezenvolve merkadu peskas, tanba kuaze Timor-oan barak mak servisu ona iha area peskas.